Belgili jýrnalıs Nartaı Aralbaıulyna bergen suhbatynda demokratıa normalary týraly suraqqa jaýap bergen Memlekettik keńesshi Erlan Qarın árbir memlekettiń ózindik damý joly bar ekenin aıtty, dep habarlaıdy Dalanews.kz. 

"Ár eldiń ózine tán damý joly bolatyny zańdylyq. Biz ózimizdiń ustanyp otyrǵan jolymyz, qalyptasqan saltymyz bar elmiz. Bizdiń qoǵamǵa tán ózindik qundylyqtar, salt-dástúr, ulttyq mentalıtet. Demokratıa jeleýimen, jalpy qoǵamnyń narazylyǵyn týdyratyn, dinaralyq, ultaralyq arazdyqty qozdyratyn áreketterge jol berilmeýi tıis. Alaıda bul demokratıanyń qaǵıdattaryn oryndaýdan bas tartamyz degendi bildirmeıdi. Biz ony ary qaraı damyta beremiz", - dep atap ótti Memlekettik keńesshi. 

Eger sóz bostandyǵy jeleýimen qoǵamnyń ishine iritki salyp, zań talaptaryn buzbaı, ádep deńgeıinde aıtylsa eshkimniń de sebepsiz jaýapqa tartylmaıtynyn aıtqan E.Qarın búginde júrgizilip jatqan ishki saıasattyń negizgi maqsaty – ulttyq birlik pen qoǵamdyq turaqtylyqty saqtaý, qorǵaý, damytý, osy arqyly ulttyq biregeılikti qalyptastyrý ekenin jetkizdi. 

"Demokratıa jolynda kóptegen oń sheshimder qabyldandy, azamattardyń bılikke yqpal etý múmkindigi keńeıdi. Búginde eldimizde saýatty plúralızm,  pikir alýandyǵy naqty ornyqqanyn, onyń kórinisin áleýmettik jelilerden de, túrli deńgeıdegi saıası dıskýssıalardan baıqaýǵa bolady",- dep túıindedi E.Qarın.