20 shildede, tańǵy saǵat 04:10-da ydd Corporation ferroqorytpa zaýytynda shtattan tys jaǵdai boldy. Oqysta №1 peshten jalyn shyǵyp, saldarynan kásiporynnyń 8 qyzmetkeri túrli dárejedegi jaraqat aldy, dep habarlaidy Dalanews.kz YDD korporatsiiasynyń baspasóz qyzmetine siltep.
Kompaniia senbi kúni, 20 shildeniń tańynda zardap shekken barlyq qyzmetkerlerdiń aýrýhanada jatqanyn, olarǵa shuǵyl meditsinalyq kómek kórsetiletinin aitty.
"Kompaniia zardap shekkenderge barlyq kómek kórsetedi jáne aýrýhananyń meditsinalyq qyzmetkerlerimen únemi bailanysta bolady", - dep sendirdi YDD.
YDD Corporation ferroqorytpa zaýyty Qaraǵandyda ornalasqan. Jylyna shamamen 240 myń tonna ferrosilitsii óndiredi. "YDD Corporation" JShS quryltaishysy kompaniianyń teń iesi Erlan Nyǵmatýlin boldy. 2021 jyly Forbes Kazakhstan nusqasy boiynsha Qazaqstannyń eń yqpaldy 50 biznesmeniniń reitingine kirdi.
