Merekelik is-sharalar Q.Muńaıtpasov atyndaǵy sport kesheninde jalǵasyn tapty.
Mektepke deıingi bilim berý uıymdarynyń qyzmetkerleri arasynda voleıboldan jáne estafetalyq oıyndar jarysynyń ashylý saltanatynda aýdan ákimi Erlan Aıtahanov quttyqtaý sóz sóılep, jarysqa qatysýshylarǵa jyly lebizin bildirdi habarlaıdy Otyrar aýdany ákiminiń baspasóz qyzmeti.
– Búginde aýdanymyzda osy baǵytta túrli is-sharalar jospary bekitilip, aýqymdy jumystar atqaryldy. Máselen, kópqabatty turǵyn úılerdiń aýlasyna birneshe ashyq sport alańshalary, Aqtóbe men Aqqumda jabyq sport keshenderi, Maıaqum, Kóksaraı, Temir aýyl okrýgterinde ashyq sport alańdary ashyldy. Bul óz kezeginde jastardyń bos ýaqyttaryn tıimdi paıdalanyp, sportpen shuǵyldanýlaryna úlken septigin tıgizedi dep oılaımyn, – dedi aýdan basshysy óziniń quttyqtaý sózinde.
Mereke aıasynda aýdanymyzda Medıasıany damytý ortalyǵy ashyldy.Saltanatty sharany aýdan ákiminiń orynbasary Perdehan Japparqulov ashyp ,biryńǵaı qyzmet kórsetý ortalyǵynyń ashylýymen jıylǵan kópshilikti quttyqtady.
Jıynda Shymket qalasyndaǵy medıasıany damytý ortalyǵynyń dırektory Laýra Aqshegirova men aýdandyq sottyń tóraǵasy Ákimbek Janasovtar sóz alyp, «Mamandardyń aıtýynsha medıasıany qoǵamda qalyptastyrý mańyzdy isterdiń biri bolyp tabylady. Azamattar daý-damaıdyń ońaı sheshý joldaryn osy ortalyqtan taba alady. Al eńbek, otbasylyq,qarjylyq daýlarǵa dýshar bolǵandarǵa tájirbıesi men biliktiligi ushtasqan mamandar kómek qolyn sozady.Olardyń qatarynda zańger men psıhologtar bar.Ortalyqtyń taǵy bir tıimdi tusy ómirlik qıyn jaǵdaıǵa tap bolǵandarǵa tegin qyzmet kórsetedi» - dep kópshilikti QR Tuńǵysh Prezıdenti kúnimen jáne ortalyqtyń ashylýymen quttyqtap, izgi lebizderin bildirdi.
