E. Orazalin megapolisti damytýdyń negizgi draiveri biznes pen adamdar ekenin eske saldy. Almaty qalasy elimizdiń eń kreativti, isker jáne bilimdi adamdarymen tartymdy.
– Búginde qala ekonomikasynyń 45%-dan astamyn jeke biznes qalyptastyrýda. 10 almatylyqtyń 6-y shaǵyn jáne orta biznespen ainalysady, Qazaqstannyń árbir altynshy kásiporny Almatyda ashylǵan, – dedi E. Orazalin.
Kásipkerlikti damytý týraly aita kele, basqarma basshysy óz isin jańa bastaǵan kásipkerlerdi qoldaý úshin olardy oqytý úlken kómek ekenin atap ótti.
E. Orazalinniń málimetinshe, sońǵy eki jylda 190 myń almatylyq kásipkerlik kýrsynan ótken. Sonymen qatar, pandemiia kezinde kýrstar jumysyn toqtatqan joq, 165 myń adam onlain rejiminde oqytýdan ótken.
E. Orazalinniń aitýynsha, kýrstarda tek teoriia oqytylyp qana qoimai, is júzinde biznesti qalai basqarý kerektigin de kórsetetinin atap ótti. Kýrstardyń arqasynda Almatyda ShOB sany 3% - ǵa artty. Al jumyspen qamtylǵandar sany 978 myńnan asty.
– Almaty biznesti damytý qalasy bolǵan jáne bolyp qala beredi. Biz jastardy oqytý praktikasyn jalǵastyramyz, kásibi biznes-jattyqtyrýshylar marketing, býhgalterlik, salyqtyq esepke alý daǵdylaryn oqytatyn bolady. Tájiribe jinaqtai otyryp, kelesi kezeńde kásipkerler jańa deńgeige shyǵyp, «Akseleratsiia» jobasyna qatysa alady, – dedi E. Orazalin.
2021 jyly «Akseleratsiia» jobasymen 1000-nan astam adamdy qamtý josparlanyp otyr. Saýda, tamaq ónerkásibi, tigin óndirisi, meiramhana biznesi, qonaq úi biznesi, bilim berý kýrstary, marketing jáne IT-salasy siiaqty baǵyttar boiynsha.
E. Orazalin Almaty Business-2025 baǵdarlamasynyń jetistikterine toqtaldy. Onyń aitýynsha, bul kezeńdi "neǵurlym jetilgen kásipkerdiń úshinshi satysy" dep ataýǵa bolady. Sonymen qatar, Qolday kásipkerlik ortalyǵyna júginýge bolady. Spiker búgingi tańda 108 myńnan astam keńes ótkizilgenin, 9,5 myń kásipker oqytylǵanyn, 700 adam súiemeldeý alǵanyn, 770 biznes-jospar ázirlengenin atap ótti.
Oqýdan ótken barlyq kásipkerler Almaty Finance-tan jeńildetilgen nesie alýǵa da quqyly.
