Birneshe apta buryn Erke Esmahan ınstagram paraqshasynda jeli qoldanýshylaryna ýáde berdi. Budan bylaı selfı sýrettermen sharshatpaıtynyn, tek mándi de maǵynaly jazba jazatynyn aıtty. Endi mine ánshi iske kirisip, ártúrli taqyryptaǵy jazbasyn bólisip jatyr.
– Qazaq xalqy eń sulý ulttyń biri der edim. Men úshin káristerdiń bári bir-birinen aýmaıtyndaı kórinedi. Orystar da solaı. Al, qazaqtar bir-birine uqsamaıdy. Bári ózinshe erekshe. Múmkin, meniki jaı “árkimdiki ózine, aı kóriner kózine” shyǵar?! Dese de qany eń taza qazaq ultynyń ókilderinen sulýlyq kóremin. Instagramda qazaq qyzdarynyń paraqshalaryn qarap otyrmyn. Biri birinen ótken sulý ǵoı, – deıdi Erke Esmahan.
Ánshiniń bul jazbasyn oqyǵan qazaq qyzdary qýanyp qaldy. Alǵystaryn aıtyp, ánshini jaqsy kóretindikterin jetkizdi. «Sózińizge tolyqtaı qosylamyn», «Jaqsy aıttyńyz! Naǵyz qazaq qyzyna saı sózder boldy», «Ózińiz de óte ádemisiz», «Bárekeldi, óte salmaqty tujyrym jasadyńyz» deıdi olar.
Ózin erekshe jaqsy kóretinin ánshiniń ózi de aıtyp ótti. Jáne ózgelerdi de ózin baǵalaýǵa shaqyrdy.
– Myna áıbat qyzdy-aı! Qudaı bere salǵan ǵoı ózin! Aınadaǵy tálpishten aınalady! Aıaǵyn aldyǵa shyǵaryp turady ózi. Áke-sheshesiniń erkesi men júregi… Óz-ózderińizdi jaqsy kórińizder, ár jetistikterińizdi baǵalańyzdar! Sonda aınalańyzdaǵy adamdar da jaqsy kóredi, – deıdi ánshi.
Erkeniń bul sózderin jeli qoldanýshylary da qoshtaı tústi. Olar aldaǵy ýaqytta keńesine qulaq asyp, ómirlerine ózgeris engizetinderin aıtyp jatty.
