Eurasian Resources Group (ERG) temir keni jobalaryna qatysy bar úsh enshiles kompaniiasyn taratý týraly sheshim qabyldady. Toptyń shoǵyrlandyrylǵan qarjylyq esebine sáikes, mundai sheshim 2026 jylǵy mamyrda qabyldanǵan, dep habarlaidy dalanews.kz.
Nege Aqsha málimetinshe, áńgime ERG Exploration qurylymyna kirgen "Nadejdinskoe", "Djarkýlskoe" jáne "Eltai-4" jaýapkershiligi shekteýli seriktestikteri týraly bolyp otyr. Alǵashqy eki kompaniiadaǵy ERG Exploration úlesi 85 paiyzdy, al «Eltai-4» kompaniiasyndaǵy úlesi 81 paiyzdy quraǵan. Qalǵan úlester «Tobyl» áleýmettik-kásipkerlik korporatsiiasyna tiesili.
Qarjylyq esep derekterine qaraǵanda, atalǵan kompaniialardyń jobalary temir keni oryndaryn barlaýǵa nemese olardy igerýge daiyndaýǵa baǵyttalǵan. ERG «Eltai-4» jobasynyń kelisimsharttyq aýmaǵyn memleketke qaitarý rásimin 2023 jyly bastaǵan. Alaida 2025 jyldyń sońyna qarai bul jumys áli tolyq aiaqtalmaǵan.
Úsh kompaniianyń taratylýy ERG-diń Qazaqstandaǵy geologiialyq barlaý jumystarynan tolyq bas tartqanyn bildirmeidi. 2025 jyldyń sońyndaǵy málimet boiynsha, ERG Exploration kompaniiasynda jer qoinaýyn paidalanýǵa arnalǵan 18 litsenziia bolǵan. Aqtóbe, Aqmola jáne Qaraǵandy oblystaryndaǵy birqatar ýchaskege berilgen quqyqtardyń qoldanylý merzimi 2028–2030 jyldary aiaqtalady.
ERG Exploration geologiialyq barlaýdyń tolyq tsiklin júzege asyrady. Kompaniia dalalyq jáne geofizikalyq zertteýler júrgizip, burǵylaý jumystarymen jáne ken oryndaryn modeldeýmen ainalysady. ERG ózi úshin boksit, hrom, marganets jáne basqa da metaldardy basym baǵyt retinde belgilegen.
2025 jyly ERG Exploration kompaniiasynyń kirisi 5,3 mlrd teńgeni qurady. Soǵan qaramastan, kompaniia jyldy 325 mln teńge shyǵynmen aiaqtaǵan.
