Áleýmettik jelide "aýtist balalardy óltirý kerek" dep óreskel pikir jazǵan bloger Raihan Jumamuratova keshirim surady,- dep habarlaidy Dalanews.kz.
"Men eshqandai qatygez adam emespin! Bul jerde tek emotsiia kináli. Aýyr pikir jazǵanymdy qanshama ata-ana jekeme shyǵyp jatqan soń túsindim. Aýtist diagnozy osyndai kóp dep oilamappyn. 2 jasar bala ózimniń balammen jasty bolǵan soń, sol balanyń ornyna óz balamdy laqtyryp jibergendei sezim bolyp, ashýǵa berilip aityp qoidym. "Oilanbai sóilegen ańdymai óledi" degen sózdiń maǵynasyn halyq bolyp túsindirip jatyrsyzdar", – dep aqtaldy bloger.
Sondai-aq, ol óziniń ashýǵa býlyǵyp, oilanbai jazǵan pikiri úshin kináli ekenin aityp, oqyrmandardan sol qatelikti qaitalamaýdy surady.
"Aýtist balalardyń ata-analarynan shyn kóńilmen keshirim suraimyn! Men oilanbai jazyp qoiyp kúnáǵa batsam, sizder meni sanaly túrde synap, aýyr sóz jazbańyzdar. Saý bala bolsyn, diagnozy bar bala bolsyn, ár ata-ana óz balasyna jaýapty. Nege qoǵamda aýtist balalar kóp jáne onyń saldary neden bolýy múmkin?" – dedi Raihan Jumamuratova.
Eske salaiyq, buǵan deiin Almatyda aýtizmi bar balalarǵa qatysty daýly pikir qaldyrǵan blogerge qylmystyq is qozǵalǵanyn jazǵan bolatynbyz.
