Erbolat Dosaev «Báiterek» Ulttyq basqarýshy holdingi basqarma tóraǵasy bolyp taǵaiyndaldy
Eske sala ketsek, taiaýda Aqordada Memleket basshysy Nursultan Nazarbaevtyń tóraǵalyǵymen ótken keńeste QR Ulttyq ekonomika ministri Erbolat Dosaev otstavkaǵa ketýge ótinish bergen edi. QR Prezidenti ministrdiń ótinishin qabyldap, otstavkaǵa jibergen.
E. Dosaev 1970 jyly 21 mamyrda Almatyda týǵan. N.Baýman atyndaǵy Máskeý joǵary tehnikalyq ýchilishesin, Almaty energetikalyq institýtyn bitirgen «Turan Álem Banki» JAQ Basqarma tóraǵasynyń orynbasary, «ATF Bank» JAQ Basqarma tóraǵasy qyzmetterin atqardy.
Qazaqstan Respýblikasy Premer-Ministriniń keńesshisi, QR Energetika, indýstriia jáne saýda vitse-ministri, QR Qarjy vitse-ministri, Qazaqstan Damý banki Direktorlar keńesiniń tóraǵasy, QR Tabiǵi monopoliialar, básekelestikti qorǵaý jáne shaǵyn biznesti qoldaý agenttiginiń tóraǵasy, QR Qarjy ministri, Qazaqstandaǵy Eýropalyq qaita qurý jáne damý bankiniń basqarýshysy, QR Ulttyq Bankiniń Basqarma múshesi, QR Densaýlyq saqtaý ministri, «Qazinvestbank» AQ Direktorlar Keńesiniń Tóraǵasy boldy. 2012 jylǵy 25 qyrkúiekten QR Ekonomikalyq damý jáne saýda ministri, Ekonomika jáne biýdjettik josparlaý ministri qyzmetterin atqardy. Otstavkaǵa ketkenge deiin elimizdiń Ulttyq ekonomika ministrligin basqardy.
QazAqparat
