ەربولات دوساەۆ «بەيتەرەك» ۇلتتىق باسقارۋشى حولدينگٸ باسقارما تٶراعاسى بولىپ تاعايىندالدى
ەسكە سالا كەتسەك, تاياۋدا اقوردادا مەملەكەت باسشىسى نۇرسۇلتان نازارباەۆتىڭ تٶراعالىعىمەن ٶتكەن كەڭەستە قر ۇلتتىق ەكونوميكا مينيسترٸ ەربولات دوساەۆ وتستاۆكاعا كەتۋگە ٶتٸنٸش بەرگەن ەدٸ. قر پرەزيدەنتٸ مينيستردٸڭ ٶتٸنٸشٸن قابىلداپ, وتستاۆكاعا جٸبەرگەن.
ە. دوساەۆ 1970 جىلى 21 مامىردا الماتىدا تۋعان. ن.باۋمان اتىنداعى مەسكەۋ جوعارى تەحنيكالىق ۋچيليششەسٸن, الماتى ەنەرگەتيكالىق ينستيتۋتىن بٸتٸرگەن «تۇران ەلەم بانكٸ» جاق باسقارما تٶراعاسىنىڭ ورىنباسارى, «اتف بانك» جاق باسقارما تٶراعاسى قىزمەتتەرٸن اتقاردى.
قازاقستان رەسپۋبليكاسى پرەمەر-مينيسترٸنٸڭ كەڭەسشٸسٸ, قر ەنەرگەتيكا, يندۋسترييا جەنە ساۋدا ۆيتسە-مينيسترٸ, قر قارجى ۆيتسە-مينيسترٸ, قازاقستان دامۋ بانكٸ ديرەكتورلار كەڭەسٸنٸڭ تٶراعاسى, قر تابيعي مونوپولييالار, بەسەكەلەستٸكتٸ قورعاۋ جەنە شاعىن بيزنەستٸ قولداۋ اگەنتتٸگٸنٸڭ تٶراعاسى, قر قارجى مينيسترٸ, قازاقستانداعى ەۋروپالىق قايتا قۇرۋ جەنە دامۋ بانكٸنٸڭ باسقارۋشىسى, قر ۇلتتىق بانكٸنٸڭ باسقارما مٷشەسٸ, قر دەنساۋلىق ساقتاۋ مينيسترٸ, «قازينۆەستبانك» اق ديرەكتورلار كەڭەسٸنٸڭ تٶراعاسى بولدى. 2012 جىلعى 25 قىركٷيەكتەن قر ەكونوميكالىق دامۋ جەنە ساۋدا مينيسترٸ, ەكونوميكا جەنە بيۋدجەتتٸك جوسپارلاۋ مينيسترٸ قىزمەتتەرٸن اتقاردى. وتستاۆكاعا كەتكەنگە دەيٸن ەلٸمٸزدٸڭ ۇلتتىق ەكونوميكا مينيسترلٸگٸن باسقاردى.
قازاقپارات
