«Súiem seni, Almaty!» retro-festivaliniń ashylý saltanatynda qala ákimi Erbolat Dosaev almatylyqtarǵa quttyqtaý sóz sóiledi.
«Sizderdi Qala kúnimen shyn júrekten quttyqtaimyn! Bul bárimiz úshin, árbir almatylyq úshin erekshe mereke! Men osynda týyp óstim, meniń eń jyly estelikterim Almatymen bailanysty. Munda men otbasyn qurdym, balalarym ósip keledi.
Bizde Almatyny damytý boiynsha úlken maqsattar men mindetter bar. Bárimiz birge qalamyzdy odan odan da jaqsyraq jáne ádemi etýimiz kerek.
Bizdiń negizgi maqsatymyz – jaily qalalyq orta qurý jáne megapolistiń barlyq aýdandarynda turǵyndardyń tabysyn arttyrý.
Men Almatynyń barlyq turǵyndaryna shyn júrekten mahabbat pen zor densaýlyq tileimin! Bizdiń Almaty ósip, gúldene bersin!», – dedi Erbolat Dosaev.
Quttyqtaý sózinen keiin megapolis basshysy Almatynyń damýy men gúldenýine eleýli úles qosqan 10 turǵyndy «Almaty qalasynyń Qurmetti azamaty» ataǵymen marapattady. Olardyń qataryna Uly Otan soǵysynyń ardageri, tarih muǵalimi, qoǵam qairatkerleri, ártister jáne t.b. kirdi.
Qurmetti ataqtan basqa, marapattalǵandar 1 mln teńgege aqshalai sertifikattar aldy.
Is-sharanyń resmi bóligi aiaqtalǵannan keiin qala ákimi «Súiem Sen, Almaty!» atty qalanyń 1940 jyldan kúni búginge deiingi Almatynyń mádeni tarihi dástúrlerine arnalǵan festivalde boldy.
Qala turǵyndary men qonaqtary ár onjyldyqtyń atmosferasyna mýzyka, poeziia jáne dekoratsiia arqyly kirdi. Ártister Shámshi Qaldaiaqovtyń kompozitsiiasyn, Dos-Muqasan ánderin oryndap, teatrlyq qoiylymdar qoidy.
Qala kúniniń basty oqiǵasy Tuńǵysh Prezident saiabaǵynda ótken «Alma Fest» dástúrli festivali boldy. Uiymdastyrýshylar alma jármeńkesin, úlken kontsert jáne túrli belsendilik kórsetti. Festivaldiń basty alańynda 100 tonna jergilikti alma usynyldy.
Qala kúni Almaty Arena-da tanymal otandyq juldyzdar men A'Studio tobynyń qatysýymen ótetin «Sálem, Almaty» atty úlken kontsertpen aiaqtalady.
Eske salsaq, Qala kúnine orailastyrylǵan negizgi merekelik is-sharalar 16 qyrkúiekte bastaldy. Kontserttik baǵdarlamalar Almatynyń barlyq aýdandarynda jáne megapolistiń basty alańdarynda ótti.
https://dalanews.kz/bilim/81355-qazuu-de-studentter-qataryna-qabyld
