Bul týraly Tengrinews.kz habarlaıdy. Búgin elorda sotynda atyshýly is boıynsha sot aıaqtaldy.
Sýdıa Ashat Áshirbekov pen alqa bıler keńes bólmesinen shyǵyp, osy is boıynsha úkim shyǵardy.
Nurbek Ájimbaı múlki tárkilene otyryp, 20 jylǵa bas bostandyǵynan aıyryldy. Andreı Tıhonenko 16 jylǵa bas bostandyǵynan aıyryldy, al Vıtalıı Sherstnev 11 jylǵa sottaldy.
Bir aı buryn, 7 qyrkúıekte Astanada atyshýly iske qatysty sot bastalǵan bolatyn. 23 jastaǵy Erasyl Áýbákirovti óltirdi degen kúdikpen sot aldyna úsh adam keldi: Nurbek Ájimbaı, Vıtalıı Sherstenev jáne Andreı Tıhonenko. Olarǵa "Uıymdasqan qylmystyq top qurý jáne oǵan basshylyq etý", "Adamdy bostandyǵynan zańsyz aıyrý", "Seksýaldyq sıpattaǵy zorlyq áreketteri", "Adam óltirý" jáne "Bopsalaý" baptary boıynsha aıyp taǵyldy.
Bul iste bastapqyda Aıan Meıirbaev kúdikti bolǵan edi. Oǵan qatysty qýdalaý qylmys quramynyń joq bolýyna baılanysty toqtatylǵan edi. Ol tergeý ızolátorynan bosap shyqty.
Eske salaıyq, bıyl aqpanda Astanada medısınalyq ýnıversıtettiń altynshy kýrsynda oqıtyn Erasyl Áýbákirov joǵalyp ketken bolatyn. Ol Saryarqa - Seıfýllın qıylysyndaǵy úıinen sol jaǵalaýǵa qaraı shyǵyp ketip, tabylmaǵan edi. Keıin, 10 aqpanda onyń máıiti zorlyq belgilerimen tabylǵan.
