Elimizde soǵys ardagerlerin eske alý jáne Jeńis kúnine orai Qazaqstan Respýblikasy Aqparat jáne qoǵamdyq damý ministrliginiń qoldaýymen «Qazcontent» AQ «ekinshi dúniejúzilik soǵys ardagerleriniń elektrondy bazasy» jobasyn iske qosty.
Bul baza soǵysqa qatysqan qazaqstandyq ardagerler men tyl eńbekkerleriniń attaryn máńgi este saqtaýǵa arnalǵan elektrondy resýrs.
Ol El.kz aqparattyq agenttigi arqyly júzege asyrylady.
Baza onlain rejiminde tolyqtyrylyp, «Er esimi el esinde» aqparattyq platformasynda jinaqtalady.
Sonymen qatar, árbir qoldanýshy derekter bazasyn tolyqtyrýǵa qatysa alady. Ol úshin árbir oqyrman maidan dalasyna attanǵan atalary týraly derekterin batyrlargatagzym.el.kz saityna júktep, bolmasa tómendegi poshtaǵa joldaý qajet: elimai2012@gmail.com
Ardagerler týraly jibergen aqparatta aty-jóni, týǵan jeri men jyly, áskeri ataǵy, soǵystaǵy erlikteri týraly tolyq málimetterin kórsetý kerek. Sonymen qatar fotosýretinde tirkeý qajet.
Qazaqstanda ekinshi dúniejúzilik soǵysyna qatysqan 237 ardager ǵana qalǵan. Olarǵa Jeńis kúniniń qurmetine eń kemi 1,5 mln teńgeden materialdyq kómek beriledi.
