E.Qarin: «Elimizde lańkestik aktiler qaitalanýy múmkin»
«Almatyda bolǵan qaiǵyly oqiǵalar biz, iaǵni, qoǵam men memleket úshin úlken sabaq boldy. Sondai-aq, bul osy qaýipterge qarsy áreket etý problemalaryn sheshýde kúsh biriktirýge yqpal etpek. Biz syrtta, Ortalyq Aziia aimaǵyndaǵy lańkestik aktilerge nazar aýdaramyz dep, ishtegi «uiqyda jatqan» oshaqtardy baiqamadyq. Meniń oiymsha, osy qaýip-qaterdi memleket pen qoǵam deńgeiinde durys baǵalamaý jalpy ahýalǵa yqpal etip otyr. 2011-2012 jyldardaǵy oqiǵalardan keiin barlyǵy jyldam basylyp qaldy. Bolǵan oqiǵalar radikalizmniń bir rettik kóterilisteri dep baǵalandy. Ókinishke qarai, memleket pen qoǵamǵa terrorizmmen uzaq kúreske daiyndalý kerek», - deidi E.Qarin.
Sarapshynyń aitýynsha, keshe Almatyda bolǵan jáne maýsymnyń basynda Aqtóbede bolǵan oqiǵalardan keiin osyndai qylmystardyń qaitalaný qaýpi bar.
Esterińizge salyp ótsek, Almatyda Abai-Baizaqov kósheleriniń qiylysynda, UQKD ǵimaratyna taiaý mańda Rýslan Kýlikbaev esimdi qarýlanǵan jigit adamdarǵa oq jaýdyrdy. Jaralylardy jedel járdem brigadasy aýrýhanaǵa alyp ketti. Tártip saqshylary qaskóilerdiń birin qolǵa túsirgen, ekinshisine izdeý jariialandy. Qarýly shabýylǵa bailanysty Almaty aýmaǵynda terrorlyq qaýiptiń «qyzyl» deńgeii jariialandy. Dál osy kúni keshke bul deńgei joiyldy. Keiinirek ishki ister organdarynyń qyzmetkerleri tártip saqshylaryna oq atqan qaskóidiń qasynda bolǵan ekinshi adamdy da ustady. Anyqtaý barysynda onyń kepil tutqyn ekeni belgili boldy.
Atys saldarynan Almatynyń meditsinalyq uiymdarynda 8 adam em qabyldap jatyr. Atys kezinde 3 politsei, 1 shekarashy jáne 1 turǵyn kóz jumyp, 6 politsei men 3 turǵyn jaralandy. Almatydaǵy teraktiniń tolyq kartinasymen myna silteme arqyly tanysa alasyzdar.
Qymbat ELTAIQYZY
(foto Qazaqparat saitynan alyndy)
