Qazaqstanda qyzylsha aýrýynyń aitarlyqtai ósýi tirkeldi. Ásirese jas balalar arasynda syrqattaný kórsetkishi artqan. Osyǵan bailanysty Densaýlyq saqtaý ministri Aqmaral Álnazarova ata-analardy balalaryn vaktsinatsiialaý arqyly qorǵaýǵa shaqyrdy, dep habarlaidy Dalanews.kz.
Ne ózgerdi?
Buǵan deiin Qazaqstanda qyzylshaǵa qarsy alǵashqy ekpe 12 aiynda salynatyn. Ekinshi ekpe (qaita vaktsinatsiia) 6 jasta, mektepke deiin júrgiziletin.
Qazirgi tańda indettiń órshýin tejeý maqsatynda 6 aidan 10 aiǵa deiingi balalardy qosymsha vaktsinatsiialaý kezeńi bastaldy. Sonymen qatar buryn josparly ekpeden qalyp qoiǵan balalardy qamtý sharalary uiymdastyrylyp jatyr.
"Qazir syrqattaný ósiminiń qarqyny tómendei bastaǵany baiqalady. Degenmen jaǵdai barshamyzdyń jaýapkershiligimizdi talap etedi. Qorǵanýdyń jalǵyz senimdi joly – vaktsinatsiia. Onyń qaýipsizdigi men tiimdiligi kópjyldyq tájiribemen dáleldengen", – dedi Aqmaral Álnazarova.
Qyzylsha nege kóbeidi?
Qazaqstanda qyzylshaǵa qatysty ahýal 2023 jyldan beri kúrdelendi. Sol jyly elde sońǵy ondaǵan jyldaǵy eń iri indetterdiń biri tirkelgen bolatyn.
Mamandar munyń basty sebebi retinde ekpe almaǵan balalar sanynyń jinalyp qalýyn ataidy. Buǵan ata-analardyń josparly túrde vaktsinadan bas tartýy jáne COVID-19 pandemiiasy kezinde ekpeniń ýaqytyly salynbaýy áser etken.
Qazir virýs ásirese 5 jasqa deiingi, ekpeni ýaqytynda almaǵan balalar arasynda belsendi taralyp otyr. Ásirese josparly vaktsinatsiia jasyna (Qazaqstanda – 1 jas) áli jetpegen sábiler osal topqa jatady.
Halyqaralyq usynym
Dúniejúzilik densaýlyq saqtaý uiymy qyzylsha órshigen aimaqtarda virýstyń taralýyn toqtatý úshin vaktsinatsiia jasyn 6 aiǵa deiin tómendetýdi usynady.
