Quryltai depýtattaryna otyrys kezinde beriletin sózdi depýtattyq ókilettigine qatysy joq jeke ótinish úshin paidalanýǵa bolmaidy. Depýtat Snejanna Imasheva bul talap Quryltai reglamentine engizilgenin aitty, dep habarlaidy dalanews.kz.
Onyń sózinshe, depýtat óz qyzmetin atqarý kezinde Quryltaidyń qalypty jumysyna kedergi keltirmeýge jáne otyrystarda, sondai-aq, onyń jumys, konsýltativtik-keńesshi organdarynda depýtattyq ókilettigin júzege asyrýǵa qatysy joq jeke jáne ózge de ótinishter boiynsha sóz sóilemeýge tiis.
"Depýtat óz qyzmetin júzege asyrý kezinde qalypty jumysqa kedergi keltirmeýge, Quryltai otyrystarynda, onyń jumys jáne konsýltativtik-keńesshi organdarynda depýtattyq ókilettigin júzege asyrýǵa qatysy joq jeke jáne ózge de ótinishter úshin sóz sóileý múmkindigin paidalanbaýǵa tiis", - dedi Snejanna Imasheva brifing barysynda.
Depýtattyń aitýynsha, Májilis reglamentinde mundai talap bolmaǵan. Ol jinaqtalǵan tájiribeni eskere otyryp, Quryltai reglamentine engizilgen.
Eske salaiyq, 2025 jylǵy qyrkúiekte Májilis depýtaty Ardaq Nazarov plenarlyq otyrys kezinde anasyn týǵan kúnimen quttyqtaǵan edi.
