Endi Qazaqstandaǵy balabaqshalar men mektepterge tosyn tekseris júrgiziledi, dep habarlaidy Dalanews.kz.
2026 jylǵy 1 aqpannan bastap memlekettik baqylaýdyń jańa tártibi kúshine enedi. Bul tártip ýákiletti organǵa memlekettik biýdjetten qarjylandyrylatyn jáne balalardyń tamaqtanýyn, jatyn ornyn qamtamasyz etý, bilim berý, tárbieleý jáne saýyqtyrý qyzmetterin kórsetetin uiymdardy qyzmeti bastalar aldynda jáne ony kórsetý barysynda tosynnan tekserýge quqyq beredi.
"Bul memlekettik baqylaýdy kúsheitedi. Endi ýákiletti organ naqty zańbuzýshylyqtar týraly signal túsken jaǵdaida óz sheshimimen tekseris taǵaiyndap, nysanǵa dereý shyǵa alady. Signal túsken kezde nysanǵa jospardan tys tekseris júrgiziledi", - dedi Oqý-aǵartý ministrligi Balalardyń quqyqtaryn qorǵaý komitetiniń tóraǵasy Nasymjan Ospanova.
Aita keteiik, 4 jeltoqsanda Memleket basshysy "Qazaqstan Respýblikasynyń keibir zańnamalyq aktilerine mádeniet, bilim berý, otbasy jáne memlekettik baqylaý máseleleri boiynsha ózgerister men tolyqtyrýlar engizý týraly" Qazaqstan Respýblikasynyń zańyna qol qoidy. Jańa normalar 2026 jylǵy 1 aqpanda kúshine enedi.
