Qazaqstandaǵy bilim berý uiymdarynda qaýipsizdikti kúsheitý úshin kúzet qyzmetine qatysty jańa talaptar bekitildi. Bul týraly premer-ministrdiń orynbasary - mádeniet jáne aqparat ministri Aida Balaeva depýtattardyń saýalyna bergen jaýabynda aitty, dep habarlaidy Dalanews.kz.
Jańa erejege sáikes mektepter men balabaqshalarda jumys isteitin kúzetshilerdiń jasy 25 pen 50 aralyǵynda bolýy kerek. Olar arnaiy kásibi daiarlyqtan ótip, jaqsy dene daiyndyǵyna ie bolýǵa tiis. Kámeletke tolmaǵandarǵa qatysty sottylyǵy bar adamdardy mundai jumysqa qabyldaýǵa ruqsat berilmeidi.
Kúzet kompaniialaryna da talap kúsheitildi. Máselen uiymnyń bilim berý mekemesi ornalasqan óńirde keńsesi bolýy, keminde eki jedel áreket etý toby jumys isteýi jáne radiobailanys quraldarymen qamtylýy qajet.
Qazir litsenziialanǵan kúzet qyzmeti bilim berý uiymdarynyń bárinde engizilgen. Ol mektepter men balabaqshalarda kelýshilerdi baqylaý jáne tyiym salynǵan zattardy kirgizbeý, arnaiy ótkizý tártibi arqyly júzege asady.
Ishki ister organdary bul talaptar oryndalýyn toqsan saiyn tekserip, turaqty baqylaý júrgizedi. Sonymen qatar, oqýshylar men muǵalimderge tótenshe jaǵdai kezinde áreket etýge arnalǵan oqý-jattyǵýlar jylyna keminde eki ret ótkiziledi.
