Eńbek jáne halyqty áleýmettik qorǵaý ministri Svetlana Jaqypova Astanadaǵy jantúrshigerlik jol apatynan keiin aiaǵynan aiyrylǵan segiz jasar qyzdyń jaǵdaiyna qatysty pikir bildirdi, dep habarlaidy Dalanews.kz.
"Ońaltý jáne protezdeý qyzmetterin biz óz moinymyzǵa alamyz. Dárigerler balaǵa arnalǵan jeke ońaltý baǵdarlamasyn ázirleidi. Otbasyn qoldaý – bizdiń ministrliktiń jaýapkershiliginde", – dedi Jaqypova.
Eske sala keteiik, 2 maýsymda elordada jolaýshylar avtobýsy apatqa ushyrap, birneshe adam jaraqat alǵan bolatyn. Alýa – sol apattyń eń aýyr zardap shekken jolaýshylarynyń biri.
Buǵan deiin bala quqyqtary jónindegi ýákil Dinara Zakieva bul otbasynyń jaǵdaiy Astana qalasynyń ákimi Jeńis Qasymbektiń tikelei baqylaýynda ekenin málimdedi.
