Temirtaý qalasynyń ákimi bolyp Sapar Sataev taǵaiyndaldy, dep habarlaidy dalanews.kz.
Prezident ákimshiliginiń jáne qalalyq máslihat depýtattarynyń kelisimimen Temirtaý qalasynyń ákimi bolyp Sapar Sataev taǵaiyndaldy. Jańa basshyny Temirtaý qalasynyń aktivine Qaraǵandy oblysynyń ákimi Ermaǵanbet Bólekpaev tanystyryp, qala basshysynyń aldyna qoiylǵan negizgi mindetterdi aiqyndap berdi.
"Sapar Sataevtyń memlekettik basqarý júiesinde tájiribesi mol. Ol áleýmettik-ekonomikalyq damý máselelerin jaqsy biledi. Sonymen qatar, Balqash qalasyndaǵy qyzmeti barysynda iri ónerkásip kásiporyndarymen tiimdi áriptestik ornata bildi. Bul tájiribe Temirtaýda da qala quraýshy metallýrgiialyq kásiporynmen yntymaqtastyqty odan ári damytýǵa serpin beredi dep senemin. Onyń basshylyǵymen jylýmen jáne sýmen jabdyqtaý júielerin jańǵyrtý, joldardy jóndeý baǵytynda aýqymdy jobalar júzege asyryldy", – dedi oblys ákimi.
Sapar Sataev eńbek jolyn 2002 jyly "Qazaqavtojol" respýblikalyq memlekettik kásipornynda bastaǵan. Ár jyldary "Botaqara sý qojalyǵy" kommýnaldyq memlekettik qazynalyq kásiporny direktorynyń orynbasary jáne direktordyń mindetin atqarýshy qyzmetterin atqarǵan.
Memlekettik qyzmette 2010 jyldan beri eńbek etip keledi.
