Qazaqstandyq analar bala kútimine bailanysty tólemder keshikkenin jarysa jazdy, dep habarlaidy Dalanews.kz.
Analar Threads jelisinde tólem keshigip jatqanyn jazdy. Tólemdi biri alsa, birine áli túspegen.
Eńbek jáne halyqty áleýmettik qorǵaý ministrligi bul kidiris qarjy tapshylyǵynan emes, demalys kúnderindegi banktik operatsiialardyń erekshelikterimen bailanysty ekenin málimdedi.
Vedomstvonyń habarlaýynsha, 10 sáýir, juma kúni aýdarylǵan qarajat «Azamattarǵa arnalǵan úkimet» memlekettik korporatsiiasynyń shottaryna tek 13 sáýir, dúisenbide túsken. Soǵan sáikes, alýshylardyń bank kartalaryna qarajatty kezeń-kezeńimen aýdarý protsesi sol kezde bastalǵan.
Ministrlik barlyq tólemder tolyq kólemde qarjylandyrylǵanyn jáne eshqandai qaryz joq ekenin atap ótti. Qazirgi tańda tehnikalyq kidirister rettelip jatyr, al qarajat jaqyn ýaqytta barlyq alýshylarǵa tolyq jetkiziledi.
Eske salaiyq, Qazaqstanda bala kútimine arnalǵan memlekettik járdemaqylar men áleýmettik tólemder ai saiyn turaqty túrde tólenedi. Ádette olar aidyń alǵashqy onkúndiginde aýdarylady, biraq mereke nemese demalys kúnderine sáikes kelgen jaǵdaida tólem merzimi ózgerýi múmkin.
