Al bıylǵy jyldyń shildesinen bastap zeınet jasyndaǵy qarıalardyń alatyn aqshasy 20 paıyzǵa kóbeıedi. Zeınetaqyny kóbeıtý úshin búdjetten 300 mıllıard teńge qosymsha qarastyrylypty.
Bul qarjy elimizdegi 3 mıllıonnan astam zeınetkerdi qamtıdy. Úkimet 2020 jylǵa deıin osy júıeni damytyp, eń az zeınetaqyny 70 myńǵa jetkizemiz degen ýáde berip otyr. Sondaı-aq búgin mınıstr Tamara Dúısenova kezinde eldiń shýynan keıin, prezıdent keıinge qaldyrǵan áıelderdiń zeınetke shyǵý jasyn da qozǵady. Mınıstr bul ózgeris aldaǵy jyldan júzege asady dep otyr. Dúısenovanyń aıtýynsha, áıelderdiń zeınetke shyǵý jasy kezek kezeńmen ósedi.
Óz kezeginde QR Eńbek jáne halyqty áleýmettik qorǵaý mınıstri Tamara Dúısenova:
– 2018 jyly zeınetaqy jasyn uzartý bastalady. On jyl ishinde aqyryndap 63 jasqa jetkizemiz. Iaǵnı, áıelder tek 2028 jyly ǵana 63 jasynda zeınetke shyǵady. Al, birinshi ilingen azamatshalardyń bazalyq zeınetaqysy 2 esege kóbeıtiledi. Sonda erte zeınetke shyqqandardyń alatyn aqsha jaǵynan utatyn bolady, – dedi.
Derekkózi: 31 arna
