Eń iri áskeri biýdjet
Onda Pentagonnyń basty basymdyǵy bolyp kelgen halyqaralyq terrorizmge qarsy kúreske 69 milliard, iadrolyq arsenaldy modernizatsiialaýǵa 22 milliard jáne 77 jańa soǵys F-35 ushaǵyn alýǵa 7,6 milliard dollar qarastyrylǵan.
Pentagonnyń jańa biýdjeti AQSh-tyń Reseimen áskeri qarym-qatynasyn shekteidi. Atap aitqanda, Resei Ashyq aspan týraly kelisimde kórsetilgen barlyq sharttardy oryndaǵanyn dáleldemeiinshe, kelisimde kórsetilgen barlyq bailanystar toqtatylady. Bul kelisimge NATO-ǵa múshe memleketter men burynǵy Varshava kelisimindegi memleketter 1992 jyly qol qoiǵan. Kelisimniń maqsaty – bir-birleriniń aýmaǵynda ushýǵa múmkindik berý.
AQSh-tyń jańa áskeri biýdjetinde Qyrymnyń Reseige qosylǵanyn tanýǵa alyp kelýi múmkin bolǵan áreketterge aqsha bólinýge tyiym salynady. Kerisinshe, qujat "Reseidiń Eýropaǵa agressiiasyna" qarsy turý úshin, Ýkraina men NATO-nyń áriptesterine áskeri kómek kórsetý qarastyrylǵan.
Qujat Tramp ákimshiligin 90 kún ishinde Kongresstiń eki palatasyna Reseidiń paidasyna tyńshylyq jasaǵan azamattardyń tizimin berýge mindetteidi. Keiin olarǵa qarsy sanktsiia qarastyrylýy múmkin.
Bul jolǵy biýdjet – Vetnam soǵysynyń ardageri, senator Jon Makkeinniń atymen ataldy. Makkein men Tramp – saiasi qarsylastar. Makkein búginde mi qaterli isigimen aýyrady. Tramp qujatqa qol qoiý sátinde senatordyń esimin birde-bir aýzyna almady.
«QmD» aqparat
