ەڭ ٸرٸ ەسكەري بيۋدجەت
وندا پەنتاگوننىڭ باستى باسىمدىعى بولىپ كەلگەن حالىقارالىق تەرروريزمگە قارسى كٷرەسكە 69 ميلليارد, يادرولىق ارسەنالدى مودەرنيزاتسييالاۋعا 22 ميلليارد جەنە 77 جاڭا سوعىس F-35 ۇشاعىن الۋعا 7,6 ميلليارد دوللار قاراستىرىلعان.
پەنتاگوننىڭ جاڭا بيۋدجەتٸ اقش-تىڭ رەسەيمەن ەسكەري قارىم-قاتىناسىن شەكتەيدٸ. اتاپ ايتقاندا, رەسەي اشىق اسپان تۋرالى كەلٸسٸمدە كٶرسەتٸلگەن بارلىق شارتتاردى ورىنداعانىن دەلەلدەمەيٸنشە, كەلٸسٸمدە كٶرسەتٸلگەن بارلىق بايلانىستار توقتاتىلادى. بۇل كەلٸسٸمگە ناتو-عا مٷشە مەملەكەتتەر مەن بۇرىنعى ۆارشاۆا كەلٸسٸمٸندەگٸ مەملەكەتتەر 1992 جىلى قول قويعان. كەلٸسٸمنٸڭ ماقساتى – بٸر-بٸرلەرٸنٸڭ اۋماعىندا ۇشۋعا مٷمكٸندٸك بەرۋ.
اقش-تىڭ جاڭا ەسكەري بيۋدجەتٸندە قىرىمنىڭ رەسەيگە قوسىلعانىن تانۋعا الىپ كەلۋٸ مٷمكٸن بولعان ەرەكەتتەرگە اقشا بٶلٸنۋگە تىيىم سالىنادى. كەرٸسٸنشە, قۇجات "رەسەيدٸڭ ەۋروپاعا اگرەسسيياسىنا" قارسى تۇرۋ ٷشٸن, ۋكراينا مەن ناتو-نىڭ ەرٸپتەستەرٸنە ەسكەري كٶمەك كٶرسەتۋ قاراستىرىلعان.
قۇجات ترامپ ەكٸمشٸلٸگٸن 90 كٷن ٸشٸندە كونگرەسستٸڭ ەكٸ پالاتاسىنا رەسەيدٸڭ پايداسىنا تىڭشىلىق جاساعان ازاماتتاردىڭ تٸزٸمٸن بەرۋگە مٸندەتتەيدٸ. كەيٸن ولارعا قارسى سانكتسييا قاراستىرىلۋى مٷمكٸن.
بۇل جولعى بيۋدجەت – ۆەتنام سوعىسىنىڭ ارداگەرٸ, سەناتور جون ماككەيننٸڭ اتىمەن اتالدى. ماككەين مەن ترامپ – ساياسي قارسىلاستار. ماككەين بٷگٸندە مي قاتەرلٸ ٸسٸگٸمەن اۋىرادى. ترامپ قۇجاتقا قول قويۋ سەتٸندە سەناتوردىڭ ەسٸمٸن بٸردە-بٸر اۋزىنا المادى.
«قمد» اقپارات
