Basylym sarapshylary muny altynshy pakent sankıalar ishindegi «eń aýyry» dep baǵalady.
– Munaı treıderleri men keme qojaıyndary Reseı munaıyn tasymaldaýǵa árkettengen tankerlerdi Eýropa elderiniń saqtandyrý kompanıalary saqtandyrýdan bas tartýy munaı eksportyna aýyr soqqy bolatynyn aıtýda. Osy bir qarjy qurylymy arqyly Reseı ekonomıkasyn orasan zor shyǵynǵa batyrýǵa bolady, – deıdi sarapshylar.
The Wall Street Journal basylymy qazirgi tańda saqtandyrý kelisimine qol qomaı Reseı munaıyn tasymaldaýǵa árkettengen kopmanıalardyń az ekenin alǵa tartty.
Kezinde Iran Batys elderimen ıadrolyq baǵdarlamasy boıynsha kelissózden bas tartqanda, Eýropa elderi dál osy shekteýdi paıdalanyp, resmı Tegerandy kelssiózder ústeline otyrǵyzǵan bolatyn.
EýroOdaqtyń bul sheshimdi qabyldaǵanda Grekıa, Kıpr, Maltanyń iri keme kompanıalary er toqymyn baýyryna alyp biraz týlaǵany belgili. Biraq arada birshama ýaqyt ótkennen keıin taraptar ortaq kelsimge keldi. Kelisimge sáıkes taraptar bul shekteýdi birden engizbeı, alty aıdyń ishinde engizýdi kózdep otyr.
EýroOdaq basshylary Reseı munaıyn tasymaldaıtyn tankerlerdi saqtandyrmaý sharasy tolyqtaı kúshine engende, resmı Máskeýdiń munaıyna embargo jarıalaǵanmen teń bolatynyn aıtty.
