«Habar» arnasynyń «Talqy» baǵdarlamasy júrgizgen saýalnamaǵa sáikes, qazaqstandyqtardyń 70 paiyzy Eltańbany aýystyrýǵa qarsylyq tanytqan, dep habarlaidy Dalanews.kz.
Al joba qonaǵy Parlament Májilisiniń depýtaty Erkin Ábildiń paiymynsha, memlekettik rámizdi aýystyrý úshin aldymen onyń shyǵynyn eseptep alýymyz kerek.
«Men osy másele jóninde depýtattyq saýal joldaǵanmyn. Bul oraida, aýystyrýdy qoldaityndardyń ǵana emes, oǵa qarsy shyqqandardyń da argýmentti pikirleri nazarǵa alyný qajettigin alǵa tarttym. Bul – birinshi. Ekinshi, Eltańbany ózgertýge qarsy shyǵyp jatqan ekspertterdiń deni qarjylyq shyǵyndy qozǵaidy. Sondyqtan biz Úkimetke osy talapty qoidyq. Naqty shyǵyndy anyqtap alý qajet. Sonda ǵana osyndai talqylaýdy bastaýǵa bolady», - dedi májilismen.
Onyń sózinshe, qarjy shyǵynyn anyqtap alǵan soń, ózgertemiz be, ózgertpeimiz be degen saýaldy talqylaimyz. Eger ózgertý kerek dep sheshsek qana, jańa Eltańbanyń nobaiy qandai bolý qajettigine qatysty usynystarymyzdy bildire alamyz.
«Negizi, qazirgi Eltańbany shiki dep aitýǵa bolmaidy. Tek mundaǵy kompozitsiia Keńes zamanynan qalǵan. 1992 jyly Jandarbek aǵamyz keńestik Gerbtiń elementterin ózgertip, jalpy kompozitsiiasyn qaldyrdy. Bul bizge ǵana tán dúnie emes, KSRO quramynda bolǵan barlyq memlekette sondai. Mysaly, ondaǵy qanattardyń ornyna bidaidyń masaǵyn qoidyq, balǵa men oraqtyń ornyna shańyraqty ildik, kúndi kóterip, kerege qyldyq, juldyzdy sol kúii qaldyrdyq. Muny shikilik deýge bolmaidy, sol kezden qalǵan geraldikalyq dástúr», - dedi depýtat.
Al aqyn, Qazaqstan Jazýshylar odaǵynyń múshesi Juldyz Toibektiń sózinshe, táýelsizdik alǵannan keiin 294 úmitker Eltańbanyń ishinen tańdap alynǵan osy rámizimiz jarqyrap tura bergeni durys.
«Bul Eltańbada bizdiń ultymyz úshin qasietti dúnieler kórinis tapqan. Mysaly, shańyraqtyń ózi elimizde qonys tepken ondaǵan ult pen ulystyń bir shańyraq astyna uiysqanyn bildiredi. Qanatty pyraq Saq zamanynan syr tartady, tarihymyzdyń tereńde ekenin aishyqtaidy. Muny sheteldikter tanymasa, biz tanytaiyq, nasihattaiyq. Al elimizdiń shejiresin bilgen adam muny tez túsinedi. Juldyzdy Keńes zamanyna telip júrgender bar, mundai juldyzdy AQSh, Túrkiia siiaqty aldyńǵy qatarly elderdiń týynan da kóremiz. Bul yqylym zamannan bar», - dep túsindirdi spiker.
Onyń paiymyna qaraǵanda, Eltańbany ózgertý týraly bastama kóterip júrgen jastar elimizdiń keshegisin bilmeidi, ótkenin tanymaidy.
