Bıyl Astanada 1 qyrkúıekte 27 myńǵa jýyq bala mektep tabaldyryǵyn attaıdy, – dep habarlaıdy Dalanews.kz elorda ákimdiginiń resmı saıtyna silteme jasap.

Birinshi synypqa qabyldanǵan balalardy beıimdeý maqsatynda 78 memlekettik mektepte alǵash ret qysqa merzimdi «Balaqaılar mektebi» ashyldy. Ol 1 men 25 tamyz aralyǵynda ótkizildi.

Munda balalardy bilim ordasyna beıimdeý maqsatynda oıyn túrinde oqytady. Oqytý baǵdarlamasyn Astana qalasynyń Ádistemelik ortalyǵy jáne pedagogter ujymy ulttyq qundylyqtarǵa negizdep ázirledi.

Aldaǵy ýaqytta Astana qalasynyń barlyq mektepterin qamtý josparlanyp otyr. Sondaı-aq, jazǵy demalystan keıin oqýshylar men ata-analardy beıimdeý maqsatynda tamyz aıynda «Adaptation days» jobasy bastaldy.