Anafilaktikalyq shokty bastan keshirgen, vaktsina quramyndaǵy zattarǵa allergiiasy bar adamdarǵa ekpe salynbaidy.
Sonymen qatar, qazirgi ýaqytta aýyryp júrgen nemese qant diabeti, júrektiń ishemiialyq aýrýy syndy sozylmaly derti bolsa ýaqytsha vaktsina saldyrýǵa bolmaidy. Budan bólek 18 jasqa deiingi balalarǵa, júkti əielderge, bala emizetin əielderge de ekpe salynbaidy.
– Vaktsina saldyrmaǵan adamdar qalai qorǵana alady degenge kelsek, bul adamdar salaýatty ómir saltyn ustanýy qajet. Qunarly tamaqtanyp, immýnitetti kóteretin vitaminderdi qoldaný jəne quramy dárýmenderge bai ónimderdi jii paidalanýy tiis. Sonymen qatar, qolyńyzdy jii jýyp, taza aýada serýendeńiz, dene shynyqtyrýmen, gimnastikamen ainalysyńyz jəne adam kóp jinalatyn oryndarǵa, toi-tomalaqqa barmaýǵa keńes beremin, – deidi dáriger.
Búginde 6 millionnan astam qazaqstandyq koronavirýsqa qarsy vaktsinanyń birinshi komponentin, al 5 mln astam adam ekinshi komponentin aldy. Ekpe alǵandar arasynda KVI-men aýyrǵandar kezdesti, biraq olarda vaktsina almaǵan naýqastarǵa qaraǵanda aýyrý protsesi jeńil ótken.
Mysaly, temperatýranyń eń shegi 38 gradýsqa deiin, əlsizdik, qurǵaq jótel siiaqty belgiler ǵana bolǵan. Bul naýqastar tez arada emdelip shyqty.
Qazir Nur-Sultan qalasynda da, elimiz boiynsha da epidemiialogiialyq ahýal kóńil kónshiterliktei emes. Qazaqstan boiynsha kúnine 6000-nan astam adamnyń COVID-19 virýsyn juqtyrǵany anyqtalady. Eń qorqynyshtysy, bul indetten kóz jumǵandar sany da azaimai tur.
Sondyqtan, dárigerler turǵyndardy ekpe alýǵa shaqyrýda. Búgingi tańda tek vaktsina ǵana koronavirýsqa qarsy tura alatyn jalǵyz qural bolyp tabylady.
