Alǵashqy kúni kórermender K.Júnisovtiń «Álıa» dramasyn tamashalady. Týyndynyń qoıýshy rejıseri – I.Sedın. Spektákl Ekinshi dúnıejúzilik soǵystyń batyry Álıa Moldaǵulovany eske alýǵa arnalǵan.
Teatrdyń saltanatty ashylý rásimine Astana qalalyq Máslıhat depýtaty Mádına Ájikenova qatysty.
– Respýblıka kúni qarsańynda elordada «Álıa» spektakliniń premerasy ótti. Barlyǵy bul keıipkerdiń shynaıy ómirde bolǵanyn, onyń Álıa Moldaǵulova esimdi qyz ekenin biledi. Ol fashısermen kúreste ózin batyl ári eli úshin janyn bergen qaharman retinde kórsetken. Bul spektáklde ǵalym, QR Óner akademıasynyń akademıgi Marat Ábsemetov sekildi ózge de kóptegen tulǵalardy kezdestirdim, – dedi depýtat.
Esterińizge sala keteıik, tarıhı eskertkish retinde memleket qorǵaýyndaǵy teatr ǵımaratyna taıaýda kúrdeli jóndeý júrgizildi.
Jańartylǵan zaldardan jáne kabınetterden basqa teatrda zamanaýı sahnalyq, sıfrlyq dybystyq jáne jaryq jabdyqtary ornatylǵan.
– Jóndeý jumysy bes jylǵa sozyldy. Osylaısha 123-teatr maýsymy ashylyp otyr.Búgin biz qoıǵan pesanyń orny bólek. Ol bizdiń jerlesimiz, Keńes Odaǵynyń Batyry Álıa Moldaǵulovanyń týǵan kúnine oraılastyrylǵan. Búgin kórermender Álıa rólinde debút jasaǵan talantty aktrısa Aıjuldyz Baǵlanovanyń oıynyn tamashalady. Bul kún árbir qazaqstandyq úshin orny erekshe Respýblıka kúnimen tuspa-tus keldi. Osy is-sharadan keıin Qazaqstannyń túkpir-túkpirinen akterler jınalatyn forým ótedi dep kútilýde. Teatr synshylary Almaty men Sankt-Peterbýrgten arnaıy keledi, – dedi teatr dırektorynyń orynbasary Aleksandra Kýstovskaıa.
Qarasha aıynan bastap astanalyqtar jańa spektáklderdi, teatrdyń súıikti qoıylymdaryn tamashalaı alady.
