العاشقى كۇنى كورەرمەندەر ك.ءجۇنىسوۆتىڭ «ءاليا» دراماسىن تاماشالادى. تۋىندىنىڭ قويۋشى رەجيسسەرى – ي.سەدين. سپەكتاكل ەكىنشى دۇنيەجۇزىلىك سوعىستىڭ باتىرى ءاليا مولداعۇلوۆانى ەسكە الۋعا ارنالعان.
تەاتردىڭ سالتاناتتى اشىلۋ راسىمىنە استانا قالالىق ءماسليحات دەپۋتاتى ءمادينا اجىكەنوۆا قاتىستى.
– رەسپۋبليكا كۇنى قارساڭىندا ەلوردادا «ءاليا» سپەكتاكلىنىڭ پرەمەراسى ءوتتى. بارلىعى بۇل كەيىپكەردىڭ شىنايى ومىردە بولعانىن، ونىڭ ءاليا مولداعۇلوۆا ەسىمدى قىز ەكەنىن بىلەدى. ول فاشيستەرمەن كۇرەستە ءوزىن باتىل ءارى ەلى ءۇشىن جانىن بەرگەن قاھارمان رەتىندە كورسەتكەن. بۇل سپەكتاكلدە عالىم، ق ر ونەر اكادەمياسىنىڭ اكادەميگى مارات ابسەمەتوۆ سەكىلدى وزگە دە كوپتەگەن تۇلعالاردى كەزدەستىردىم، – دەدى دەپۋتات.
ەستەرىڭىزگە سالا كەتەيىك، تاريحي ەسكەرتكىش رەتىندە مەملەكەت قورعاۋىنداعى تەاتر عيماراتىنا تاياۋدا كۇردەلى جوندەۋ جۇرگىزىلدى.
جاڭارتىلعان زالداردان جانە كابينەتتەردەن باسقا تەاتردا زاماناۋي ساحنالىق، سيفرلىق دىبىستىق جانە جارىق جابدىقتارى ورناتىلعان.
– جوندەۋ جۇمىسى بەس جىلعا سوزىلدى. وسىلايشا 123-تەاتر ماۋسىمى اشىلىپ وتىر.بۇگىن ءبىز قويعان پەسانىڭ ورنى بولەك. ول ءبىزدىڭ جەرلەسىمىز، كەڭەس وداعىنىڭ باتىرى ءاليا مولداعۇلوۆانىڭ تۋعان كۇنىنە ورايلاستىرىلعان. بۇگىن كورەرمەندەر ءاليا رولىندە دەبيۋت جاساعان تالانتتى اكتريسا ايجۇلدىز باعلانوۆانىڭ ويىنىن تاماشالادى. بۇل كۇن ءاربىر قازاقستاندىق ءۇشىن ورنى ەرەكشە رەسپۋبليكا كۇنىمەن تۇسپا-تۇس كەلدى. وسى ءىس-شارادان كەيىن قازاقستاننىڭ تۇكپىر-تۇكپىرىنەن اكتەرلەر جينالاتىن فورۋم وتەدى دەپ كۇتىلۋدە. تەاتر سىنشىلارى الماتى مەن سانكت-پەتەربۋرگتەن ارنايى كەلەدى، – دەدى تەاتر ديرەكتورىنىڭ ورىنباسارى الەكساندرا كۋستوۆسكايا.
قاراشا ايىنان باستاپ استانالىقتار جاڭا سپەكتاكلدەردى، تەاتردىڭ سۇيىكتى قويىلىمدارىن تاماشالاي الادى.
