VIII sailanǵan Astana qalasy máslihatynyń kezekten tys sessiiasynda «Astana qalasy máslihatynyń 2017 jylǵy 12 jeltoqsandaǵy No 221/25-VI «Áleýmettik kómek kórsetýdiń qaǵidalary týraly» sheshimine ózgerister engizý týraly» máselesi men «Astana qalasynyń muqtaj azamattarynyń jekelegen sanattarynyń mólsheri men tizbesin aiqyndaý» isi qaraldy.
Elordada halyqtyń áleýmettik osal toptarynyń ómir súrý sapasyn jaqsartý maqsatynda qiyn ómirlik jaǵdaida qalǵan otbasylarǵa áleýmettik kómekti ulǵaitý maqsatynda dári-dármek qunyn óteýdi qarastyrýda.
Máslihat depýtattary aldynda sóz sóilegen Astana qalasynyń Jumyspen qamtý jáne áleýmettik qorǵaý basqarmasynyń basshysy Ilia Skýb bul baǵytta qla turǵyndarynan kóptegen ótinishter túskenin atap ótti.
2023 jyly biýdjettik qarajatqa qosymsha qajettilik 18 mln teńgeni quraǵan.
Halyq qalaýlylary zeinetkerlerge tis protezdeýge bólinetin qarajat kólemin ulǵaitý jóninde birqatar usynystar aitty. Búginde ol 90 myń teńgeni quraidy.
Ilia Skýb bul soma zeinetkerlerdi sapaly tis protezdeý qyzmetimen qamtamasyz etý úshin jetkiliksiz ekenin aita kele, bul máseleni 2024 jylǵa arnalǵan qalalyq biýdjet aiasynda qarastyrýdy usyndy.
Máslihat tóraǵasy Erlan Qanalimov biyl zeinetkerlerdiń tis protezine bólingen biýdjet qarajaty elordanyń barlyq tórt aýdanyna bólingenin aitty. Buryn barlyq qarajatty qalanyń eki núktesinde ǵana qyzmet kórsetetin bir kompaniia alyp kelgen edi. Endi zeinetkerler óz aimaqtarynda tis dárigerine qarala alady.
