– 2019 jyldyń jazynda elordada 52 úlestik qurylys nysany boldy. Memleket basshysynyń tapsyrmasy boiynsha uzaq salynǵan qurylys jumystaryn aiaqtaý boiynsha júieli jumystar júrgizýdemiz. 2019 jyldyń jarty jyldyǵynda biz qurylysy uzaqqa sozylǵan 10 nysandy salyp, paidalanýǵa berdik. Bul 13 kóppáterli turǵyn úi kesheni (TK). Ótken jyly 14 nysan aiaqtaldy – bul 20 TK.
Biyl taǵy 57 problemalyq kóppáterli turǵyn úi kesheniniń qurylysyn aiaqtaýdy josparlap otyrmyz. Bul 7 myńnan astam úlesker kópten kútken páterine ie bolady degen sóz, — dedi elorda ákimi Altai Kólginov.
Nur-Sultan ákimi úlestik qurylystyń barlyq nysanynda túrli jaǵdailar bolǵanyn atap ótti: bir jerde tek shuńqyry ǵana qazylǵan, al bir jerde úidiń tek qańqasy tur, endi bir jerde salynǵan bloktar apatty kúide, olardy tolyǵymen buzý qajet boldy. Sebebi adam turýǵa arnalmaǵan jáne qaýipti. Uzaq salynǵan qurylystar boiynsha birinshi kezekte tehnikalyq aýdit júrgizildi, sebebi úilerdiń qaýipsizdigi bárinen mańyzdy. Degenmen, uzaqqa sozylǵan qurylystardyń jumysy qarqyn ala bastady, ásirese, Shyǵys, Jaǵalaý, Territoriia komforta-1 jáne t.b. Úlestik qurylystyń árbir nysany boiynsha qadamdyq is-sharalar jospary jasaldy.
