Elordada úleskerdiń 90%-ǵa jýyǵynyń porblemasy sheshildi
Qurylysy uzaqqa sozylǵan qalǵan 30 úi boiynsha qadamdyq is-sharalar jospary bar. Onda 2 myńǵa jýyq otbasy baspanasyn kútip júr. Mundai problemaly úilerdiń aiaqtalýy Memleket basshysynyń tikelei baqylaýynda.
Qurylysy uzaqqa sozylǵan árbir úidiń problemasy ártúrli bolatyn. Birinde tek shuńqyry ǵana qazylǵan, endi birinde qarjylyq aýdit, jobalyq-smetalyq sekildi qujattamasy joq edi, sol siiaqty bir páterdi eki-úsh otbasyǵa satqan jaittar da boldy, taǵy birinde qańqasy turǵyzylǵan úi apatty kúide bolatyn.
Mysaly «Territoriia komforta-1» turǵyn úi kesheniniń qurylysy 2004 jyly bastalǵan. Úidi tehnikalyq tekserý barysynda ǵimarattyń apatty jaǵdaida ekeni belgili boldy.
Burynǵy qurylys salýshy tehnikalyq normalarǵa sai kelmeitin beton markasyn qoldanǵan, plitalar arasynda sáikestik bolmaǵan. Qurylysshylardyń aitýynsha bul úi paidalanýǵa berilgende uzaqqa barmai qirap, turǵyndar úiindiniń astynda qalar edi. Osydan keiin onyń bloktary buzylyp, ornyna jańa turǵyn úi kesheni salyndy, nátijesinde turǵyndar kópten kútken baspanasyna ie boldy.
