– Baqytty otbasylyq ómir birden bola qalmaidy, úlken eńbekti talap etedi. Otbasyn qurý kóp ýaqytty, kúsh pen energiiany qajet etedi. Biraq bul adam ómirindegi eń mańyzdy qadamdardyń biri bolyp esepteledi, – dedi qalalyq máslihat depýtaty Nazgúl Maqjan.
Is-shara barysynda «Qazaq qyzy» QB tóraǵasy, Qazaq qyzy mádeni-adamgershilik tárbie institýtynyń negizin qalaýshy, áielder isteri jónindegi komissiianyń múshesi, Nur-Sultan qalasy ákiminiń shtattan tys keńesshisi Qaraqat Ábden sóz arasynda áieldiń qoǵamdaǵy rólin arttyrýdyń jáne otbasylyq qundylyqtardy nyǵaitýdyń mańyzdylyǵyn atap ótti.
Kezdesýge L.N. Gýmilev atyndaǵy Eýraziia ulttyq ýniversitetiniń jáne Nazarbaev ýniversitetiniń 1-2 kýrs stýdentteri shaqyryldy. Sol siiaqty jetim balalar men ata-anasynyń qamqorlyǵynsyz qalǵan balalar qatysty.
«Áielder kóshbasshylyǵy» jumys tobynyń múshesi, tanymal telejýrnalist, prodiýser Aigúl Múkei, Nur-Sultan ákimi janyndaǵy Áielder isteri jáne otbasylyq-demografiialyq saiasat jónindegi komissiianyń hatshysy Qarlyǵash Sarkenova baqytty otbasylyq ómirdiń qupiialarymen bólisti. Spikerler mundai dialog alańy otbasylyq qundylyqtardy túsinýdi jetildirý úshin mańyzdy ekenin atap ótti.
Komissiia músheleri erkin formatta stýdenttermen belsendi suhbat júrgizdi, sondai-aq olar úshin «suraq-jaýap» sessiiasyn ótkizdi.
Kezdesýde «Otbasy mekeni» jobasynyń belsendi qatysýshylary – jas otbasylarǵa Nur-Sultan qalasy ákiminiń orynbasary Berik Jákenovtiń atynan alǵys hattar tabys etildi.
Is-sharaǵa QR Prezidentiniń janyndaǵy Áielder isteri jáne otbasylyq-demografiialyq saiasat jónindegi Ulttyq komissiia tóraǵasynyń orynbasary Saltanat Tursynbekova qatysty.
