Elordada politsiia esirtki saýdasyna tosqaýyl qoidy, dep habarlaidy Dalanews.kz.
Elordada jedel-izdestirý is-sharalary barysynda politsiia qyzmetkerleri esirtki quraldaryn zańsyz ótkizýge qatysy bar degen kúdikpen 35 jastaǵy qala turǵynyn ustady. Aldyn ala málimetterge sáikes, ol tyiym salynǵan zattardy anonimdi messendjerler arqyly taratqan. Turǵylyqty mekenjaiy boiynsha júrgizilgen tintý barysynda as úi shkaftarynan jáne balkonnan erekshe iisi bar, kannabis shaiyryna uqsas suiyq konsistentsiiadaǵy zaty bar eki plastik ydys tabyldy.
"Sondai-aq erekshe iisi bar, gashish maiyna uqsas suiyq zat quiylǵan 200-den astam flakon, sondai-aq erekshe iisi bar, qoiý qońyr tústi túiirshikti zat marihýana salynǵan polietilen paket tárkilendi. Budan bólek, páterden elektrondy tarazylar men esirtkini bólshektep oraýǵa arnalǵan bos ydystar anyqtaldy", - dedi politsiia.
Tárkilengen zattardyń jalpy salmaǵy shamamen 4 kelini qurady. Atalǵan derek boiynsha esirtki quraldaryn saqtaý jáne ótkizý faktisi boiynsha qylmystyq is qozǵaldy. Politsiia esirtki quraldaryn saqtaý, daiyndaý jáne ótkizý Qazaqstan Respýblikasynyń zańnamasyna sáikes qylmystyq jaýapkershilikke ákep soǵatynyn eskertedi.
