Bul týraly qala ákimdiginiń resmi saity habarlaidy.
«Elorda kúni qarsańynda birneshe áleýmettik nysan ashyldy. Olardyń arasynda kórý qabileti buzylǵan balalarǵa arnalǵan mamandandyrylǵan balabaqsha (Saryarqa aýdany, Kenesary kóshesi, 9/1). Balalar bul mekemege bara bastady.
Balabaqshada tárbieshilermen qatar meditsina qyzmetkerleri de bar. Bul balanyń fizikalyq, psihikalyq damý erekshelikterin, jeke múmkindikteri men qabiletterin eskere otyryp, búldirshinniń jeke basyn jan-jaqty qalyptastyrý, balalardy mektepte oqytýǵa daiyndyǵyn qamtamasyz etýge múmkindik bermek. Mekemede fizioterapiia, logoped-defektolog, oftalmolog jáne t.b. kabinetter bar.
Memleket basshysynyń tapsyrmasy boiynsha qalada erekshe qajettiligi bar balalarǵa arnalǵan ońaltý ortalyqtary jelisin keńeitýdemiz.
Mysaly, ótken jyly №1 qalalyq balalar aýrýhanasy bazasynda Tuńǵysh Prezident Qory men «Samuryq-Qazyna» qoldaýymen ashylǵan «Qamqorlyq» ońaltý ortalyǵy ashyldy.
Sondai-aq, «Asyl Miras», «Erekshe balalar», «Orda» aýtizm ortalyǵy, inkliýziia kabinetteri siiaqty birqatar iri Ońaltý ortalyǵy qoldaý taýyp, ashyldy.
Ońaltý ortalyqtaryn jańa turǵyn úi keshenderiniń 1 qabattarynda da ashamyz. Paralimpiadalyq jattyǵý ortalyǵymen birlesip Múmkindigi shekteýli adamdarǵa arnalǵan sport keshenin salamyz.
Sonymen qatar, oqý oryndarynyń qurylysyna da nazar aýdaramyz. Mysaly, Almaty aýdanynda 2400 oryndyq mektep salynyp, ashylýǵa daiyn (eki aýysymda; Maiqaiyń – A 351 kóshesiniń qiylysy). Oqý ornynda inkliýziia,«Abaitaný», «STEM», «Intellektým» kabinetteri jáne beinesabaqtardy túsirýge arnalǵan stýdiia bar. Bul balalardyń jan-jaqty damýyna múmkindik beredi.
Biyl barlyǵy 15 mektep salamyz — bul 40 myńnan astam jańa oqýshy orny. Salystyrmaly túrde alsaq, 2020 jyldan 2 ese, al 2019 jyldan 4 ese kóp.
Elordada aldaǵy 5 jylǵa 67 mekteptiń qurylysy josparlanyp otyr. Oqý oryndarynyń qurylysyna da jeke investitsiialar jumyldyrylady», — dep jazdy elorda ákimi.
