Vaksınasıalanǵan azamattar vaksınasıa alǵannan keıin birden utys oıynyna qatysa aldy. Júldeler arasynda: turmystyq tehnıka, elektronıka, SOO jalǵa alýshylarynyń syılyqtary bar.
Elorda turǵyndary kásipkerlerdiń osyndaı bastamasyn joǵary baǵalap, baǵaly syılyqtar úshin alǵysyn bildirdi.
– 11 mamyrda vaksınanyń alǵashqy komponentin aldym. Masa shaǵyp alǵandaı ǵana boldy. Jyl saıyn kúzde tumaýǵa qarsy ekpe alatynym da bar. Búgin koronavırýsqa qarsy vaksınanyń ekinshi komponentin aldym. Aýyrsyný bolǵan joq, qysymym qalypty. Men tipti utys oıynynda sháınek sekildi syılyq alamyn dep kútken joqpyn. Óte qýanyshtymyn! Tanystarymnyń bárin vaksına qabyldaýǵa shaqyramyn, óıtkeni bárimizge ujymdyq ımýnıtet qajet, – dedi 69 jastaǵy zeınetker Larısa Vasılevna.
Elordanyń taǵy bir turǵyny Bıbigúl Ahmetova vaksınasıadan keıin syılyq alamyn dep oılamaǵanyn atap ótti.
«Búgin vaksınanyń ekinshi komponentin alýǵa keldim. Al alǵashqy dozasynan keıin keri áseri bolǵan joq. Qazir ózimdi jaqsy sezinemin. Bul jerde utys oıyny ótedi dep kútpegen edim. Qatty tań qaldym. Syılyq úshin rahmet!» — dedi áıel.
Aksıany uıymdastyrýshylar atap ótkendeı, utys vaksınasıadan ótken adamdardy yntalandyryp, jaqsy kóńil-kúı syılaý úshin ótkiziledi.
Qalalyq emhananyń dáriger-epıdemıology Perızat Shahmanovanyń aıtýynsha, vaksınasıa pýnkterinde Spýtnık V, QazVac jáne Hayat-Vax vaksınalary usynylady. Egý pýnkti ashylǵannan keıin bir aı ishinde 300-ge jýyq adam ekpe qabyldady.
Esterińizge sala keteıik, elordada KVI-ǵa qarsy vaksınasıalaýdyń 100-den astam pýnkti ashylǵan: BMSK mekemelerinde, sondaı-aq iri SOO-lar men saýda úılerinde. Olardyń qatarynda «Mega Silk Way», «Keruen», «Han Shatyr», «Saryarqa», «Eurasia», «Abý-Dabı Plaza», «Azıa Park», «Bıg Shanhaı», Ortalyq bazar, «Álem» jáne «Astanalyq» bar. Vaksınasıa pýnktteri demalyssyz saǵat 10:00-den 22:00-ge deıin jumys isteıdi.
Sondaı-aq, halyqtyń joǵary belsendiligin eskere otyryp, Qoǵamdyq densaýlyq saqtaý basqarmasy kóshpeli brıgadalar uıymdastyryp, eńbek ujymdaryn jappaı vaksınasıalaýǵa kiristi.
