Utys oıyny tikeleı efırde 17 shilde (senbi) kúni Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda ótedi.
IPhone12 jáne basqa da qundy syılyqtardyń alǵashqy utys oıyny 9 shilde kúni ótken bolatyn. Bul avtomatty utys oıynyna vaksınasıa bastalǵan sátten bastap qalada 6 shildege deıin (qosa alǵanda) vaksınasıalanǵandar qatysty.
Birge platformasynda baıqaý jeńimpazdaryn anyqtaý úshin arnaıy randomaızer qyzmeti ornatyldy, ol jeńimpazdardy ID arqyly tańdaıdy. Ony ázirleýge IT-qaýymdastyq ta qatysty.
Búgingi kúni servıs QR Densaýlyq saqtaý mınıstrliginiń vaksınasıalanǵandar týraly málimetterimen biriktirilgen. Osyǵan baılanysty ekpe alǵan elorda turǵyndary konkýrsqa avtomatty túrde qatysady, oǵan arnaıy qujat toltyryp, qosymsha vaksına alýdyń esh qajeti joq. IPhone12 jáne basqa da qundy syılyqtardyń utys oıynyn elorda ákimdigi apta saıyn jazdyń sońyna deıin ótkizedi.
Aıta keteıik, elorda turǵyndary arasynda vaksınasıa alýdyń belsendiligin arttyrý úshin baǵaly syılyqtar oınatylady. Ekpe alǵandar arasynda ótetin utys oıynyna eki bólmeli páter de qoıyldy. Jyljymaıtyn múlikti jeńip alýǵa osy jyldyń 25 maýsymy men 31 tamyzy aralyǵynda vaksınanyń birinshi komponentin alǵan 18 jastan asqan qala turǵyndary qatysady. Bul utys oıynyna elordadaǵy vaksınasıanyń barlyq pýnkti qatysady: medısınalyq mekemeler, SOO/SÚ. Aıta ketý kerek, utys oıyndary demeýshilerdiń kómegimen ótkiziledi.
Al "MEGA Silk Way" SOO ózinen vaksınasıa pýnktinde birinshi komponentin alǵandar arasynda avtomobıl utysy ótetinin jarıalady.
Elordada ótkizilip jatqan utys oıyndary turǵyndardyń vaksınasıalaýǵa degen belsendiligin arttyrý úshin jasalyp jatqan shara. Al eń mańyzdysy — ujymdyq ımýnıtetti damytyp, karantınge deıingi qalypty rejımge oralý. Al ujymdyq ımýnıtet úlesi 60%-dan kem bolmaýy kerek.
