Elordada biyl 10 myńǵa jýyq áleýmettik páter beriledi – qala ákimi
Qazirgi ýaqytta Nur-Sultan qalasynda turǵyn úi kezeginde 48 myńnan astam adam tur. Byltyr shaharymyzda 3 mln sharshy metrden astam turǵyn úi salyndy. Onyń 80% – jeke investitsiia. Biyl bul kórsetkish 3,2 mln-ǵa deiin ósý kerek.
«Memleket basshysynyń qoljetimdi turǵyn úi sanyn, qurylys kólemin úsh esege arttyrý týraly tapsyrmasy boldy. Ótken jyly biz bul údeden shyǵa bildik. Mysaly, jeńildikpen beriletin páter alýshylar sanatyn keńeittik. Endi áleýmettik páterlerge tek meditsina qyzmetkerleri men muǵalimder ǵana emes, áleýmettik salanyń basqa da ókilderi, órt sóndirýshiler, mádeniet jáne sport qyzmetkerleri, politsiia qyzmetkerleri de qatysa alady.
Al turǵyn úi sertifikattarynyń somasyn 1 mln teńgeden 1,5 mln teńgege deiin arttyrdyq. Jastarǵa keletin bolsaq, elordada «jumys isteitin jastarǵa arnalǵan jalǵa beriletin turǵyn úi» baǵdarlamasy eki jyldan beri jalǵasyp keledi. Buǵan deiin myńǵa jýyq jas otbasy páter kiltine ie bolsa, biyl taǵy 300 jas otbasyǵa páter tabystaý josparlanyp otyr», - deidi ákim.
Baspana máselesi qoǵamdaǵy ótkir máseleniń biri bolǵandyqtan, memleket tarapynan jyldan jylǵa júieli jumystar atqarylyp keledi. Salystyrmaly túrde aitatyn bolsaq, Nur-Sultanda 2019 jyly 2900 áleýmettik páter berilse, 2020 jyly 7 myńnan asa páter tabys etildi. Al biyl bul kórsetkishti 10 myńǵa deiin jetkizý josparlanyp otyr. Ilgerileý bar.
Qala ákimdigi áleýmettik nysandardyń «qadamdyq qoljetimdigin» qamtamasyz etýdi basty maqsat etip qoiǵan bolatyn. Altai Kólginovtiń aitýynsha jańa turǵyn úi kesheni salynyp berile salmai, birinshi qabattarynda «úi mańyndaǵy dáriger» meditsinalyq mekemelerin ashý da júrgizilip keledi. Olardyń qatarynda ońaltý ortalyqtary, balabaqshalar, meditsinalyq kómek kórsetý pýnkteri, politsiianyń tirek pýnkti jáne taǵy basqa áleýmettik nysandar bar.
https://www.youtube.com/watch?v=Guu1hiE-wnY
