– Búginde ákimdik tarapynan áleýmettik bastamalarǵa erekshe mán berilýde. Onyń ishinde óz isin ashyp, kásippen ainalysamyn degen jandarǵa qoldaý kórsetý. «Januia» ortalyǵynda júzege asyrylyp jatqan iri jobalardyń biri «Kásipker ana» jobasy aiasynda biraz jumys istelingeni kórinip tur.
Iaǵni, joba ózin aqtady jáne óz tiimdiligin kórsetti. Bul týraly Memleket basshysy da únemi óz sózinde aityp júredi. Elimizde orta jáne shaǵyn kásipkerlikti damytýǵa arnalǵan arnaiy baǵdarlama da bar. Odan bólek, granttar bólinýde. Búgingi marapattaý sharasy sonyń bir kýási, – dedi qala ákiminiń orynbasary Baqtiiar Máken.
Aitýly sharada analardy kásipkerlikke oqytqan 20 mentor marapattaldy. Qalalyq ákimdiktiń qoldaýymen qolǵa alynan «Kásipker ana» jobasynyń birinshi kezeńi qorytyndylanýda.
– Búgin sol analardy kásipkerlikke oqytyp, úiretken mentorlar marapattalyp jatyr. Mentorlar óz biletinderin tegin úiretip jatyr. Maqsat – óz kásibin ashqysy keletin, tabys tapqysy keletin áielderge múmkindik jasaý. Búgingi marapattaý rásimine eń belsendi degen mentor 20 shaqyryldy, – dedi «Kásipker ana» jas kásipkerler keńesiniń tóraǵasy ári avtory Ainur Ámirhan.
Onyń aitýynsha, elordalyq analardy kásipkerlikke úiretý kýrsy óz jalǵasyn tabady. «Alǵashqy úiretý kýrsynan 68 ana ótti. Olar óz kezeginde áleýmettik jeli arqyly tabys tabý, úide otyryp kásippen ainalysý (tort pisirý, tigin tigý, sán salony mamandary jáne t.b.)», - dedi ol.
