Bul týraly Dalanews.kz Qazaqstan dziýdo federatsiiasynyń baspasóz qyzmetine silteme jasap habarlaidy.
Tórt kúnge jalǵasatyn qurlyqtyq dodada tatami sheberleri jekelei jáne aralas-komandalyq jarys boiynsha ózara myqtyny anyqtaidy. Halyqaralyq dziýdo federatsiiasynyń (IJF) kúntizbesine sáikes ótkiziletin jarysqa Aziianyń 30 elinen 400-ge jýyq dziýdoshy qatysady dep josparlanýda.
«Qazaqstan dziýdodan álemdik básekelerdi ótkizý boiynsha mol tájiribege ie. Osy ýaqytqa deiin Halyqaralyq dziýdo federatsiiasy elimizge álemdik litsenziialyq Gran-pri jarystarynan bólek, eresekter arasyndaǵy álem chempionaty (2015, Nur-Sultan) men jasóspirimder arasyndaǵy álem chempionatyn (2019, Almaty) ótkizýdi senip tapsyrǵan. 2017 jyldan beri Aziia dziýdo odaǵynyń kúntizbesine sáikes jylda elimizde jasóspirimder, jastar jáne eresekter arasynda dástúrli túrde eki ret Aziia kýbogi ótkizilip kele jatyr. Endi mine, biyl Aziia chempionatyn ótkizý quqyǵyna ie boldyq. Bul tek sportshylarymyz úshin emes, otandyq dziýdo otbasy, jankúierler úshin tamasha jańalyq.
Mundai iri jarystardy elimizde ótkizý arqyly biz sportshylarymyzdyń tájiribesin shyńdap qana qoimai, álemdik arenada sport derjavasy retinde qalyptasqan imidjimizdi nyǵaita túsemiz.
Elorda tatamiinde Aziia úzdikteri bas qosady, jańa esimder shyǵady. Kýmirlerine qarap boi túzep kele jatqan jas býyn úshin de bul qýanyshty jańalyq ári keremet múmkindik dep oilaimyn.
Óz kezeginde, bapkerler qosynynyń sheshimimen Qazaqstan erler jáne áielder quramasynan negizgi jáne qosalqy qurama sportshylary aralas qatysady. Ulttyq qurama sapyndaǵy dziýdoshylar úshin qurlyqtyq báseke jyldyń basty dodasy álem chempionatyna daiyndyq bolyp sanalsa, qurama qataryna endi qosylǵan jas dziýdoshylar úshin Aziia chempionatyna qatysý iri jarystyń atmosferasyn sezinip, tájiribe jinaýǵa múmkindik beredi», - deidi Qazaqstan dziýdo federatsiiasy prezidentiniń mindetin atqarýshy Ashat Jitkeev.
Aita keterligi, IJF erejesi boiynsha, Aziia chempionatynyń jeńimpazdary men júldegerlerine Olimpiadalyq reitingte upai sandary qosylady. Atap aitqanda, jeńimpaz 700 upaidy enshilese, 2 oryn iegeri 490, al 3 orynǵa 350 upaidan úlestiriledi.
