Kóp jyldar boıy kezekte turǵan aýdan azamattary bosaǵan turǵyn úıden kópten kútken kiltterdi kezek tártibinde aýdan ákimi A.Abdınovtyń qolynan alyp, máz-meıram boldy.
Kóp balaly otbasylar Zoıa Bekmuhambetova, Gúljanat Aıanbaeva, Rıftına Sábıtova jáne erekshe kútimdi qajet etetin Amangeldi Tyndybaev úshin bul merekeniń máńgi este qalary sózsiz. Táýelsizdiktiń 30 jyldyǵymen tuspa-tus kelgen azamattardyń asyǵa kútken arman-tilekteri búginde oryndaldy. Óz kezeginde aýdan ákimi A.Abdınov baspanaly bolǵan azamattardy qonys toıymen quttyqtap, otbasylaryna bereke-birlik pen tatýlyq tiledi.
[caption id="attachment_64398" align="alignleft" width="141"]
Dosaı Bekmuhambetov[/caption]
45 jastaǵy Eńbekshi aýylynyń turǵyny, 6 balanyń ákesi Dosaı Anarbekuly sheksiz qýanyshty ekenin jasyrmady:
– Mine baspanaly boldyq, bul biz úshin úlken mártebe, zor qýanysh. Memlekettiń táýelsizdik alǵan jyldardan bergi ustanymdarynyń basym baǵyttarynyń biri de sol – árbir qazaqstandyq otbasynyń óz baspanasy bolýyna qol jetkizý. Kóp balaly, múmkinshiligi shekteýli jandardy, qarıalarymyzdy jan-jaqty qoldaý kórsetip, jaǵdaılaryn jasaý edi. Memleket osy maqsatqa qol jetkizý úshin qoldan kelgen barlyq múmkindikterdi jasaýda.
Osy oraıda aýdan ákimi A.Abdınov myrzaǵa alǵysymdy bildiremin. Jáne barlyq qazaqstandyqtardy búgingi mereke kúnimen shyn júrekten quttyqtaımyn, - dep júrekjardy qýanyshyn jetkizdi Dosaı Bekmuhambetov.
Qasıet ARSTAN,
Alakól aýdany ákiminiń
baspasóz-hatshysy
