«Nur-Sultan qalasynyń Investısıalar jáne kásipkerlikti damytý basqarmasy» MM jańa bıznes-ıdeıalardy iske asyrý úshin memlekettik granttarǵa ashyq konkýrs jarıalady, – dep habarlaıdy Dalanews.kz elorda ákimdiginiń resmı saıty.

«Bıznestiń jol kartasy – 2025» bıznesti qoldaý men damytýdyń memlekettik baǵdarlamasy aıasyndaǵy granttar shaǵyn kásipkerlik sýbektilerine, onyń ishinde isin jańa bastaǵan jas kásipkerlerge ekonomıkanyń basym sektorlarynda júzege asyratyn óteýsiz negizde beriledi.

Konkýrsqa qatysýǵa ótinim berý úshin «Qoldau» bızneske arnalǵan sıfrlyq platformaǵa tirkelý qajet.

Konkýrsqa qatysý úshin úmitkerler bekitilgen nysan boıynsha ótinimdi elektrondyq kúıde usynady.

Konkýrstyq qujattamany usyný merzimi: 2021 jylǵy 28 maýsymnan 2021 jylǵy 12 shildege deıin.