Qabyldaýǵa barlyq azamattar jazyla aldy. 90-nan astam adam qabyldandy. Jeke qabyldaýda jumysqa turý, áleýmettik kómek alý, turǵyn úı baǵdarlamalaryna qatysý, úlestik qurylys nysandarynyń qurylysy, turǵyı úı komýnaldyq sharýashylyǵynyń jumysy, apatty jáne eski úılerdi súrý syndy ózekti máseleler sóz boldy.
Qala ákimi Altaı Kólginov azamattardy qabyldaý - máseleni naqty sheshýge jol bastaıtyndyǵyn, alaıda júıeli sharalar qabyldaý qajet ekendigin atap ótti.
– Turǵyn úı kezeginde 48 myń adam tur. Baspana tek kezek tártibimen beriledi. Zań aıasynda kómek kórsetemiz, júıeli sharalar qabyldaımyz, demeýshilerdi tartamyz, – dedi qala ákimi Altaı Kólginov.
Qabyldaý barysynda qala turǵyndary ákimdikke atqarylǵan jumystar men birqatar sheshilgen máseleler úshin alǵystaryn bildirdi. Sonymen qatar «Astana» konsert zalynyń holynda ákimdik basqarmalarynyń basshylary, ákimniń orynbasarlary, aýdan ákimderi azamattardy qabyldady. Suraqtardyń bir bóligi sol jerde sheshilse, qalǵandary jumysqa alyndy.
