Halyqpen esepti kezdesýinde elorda ákimi Altai Kólginov málimdedi.
– Biz úlestik qurylys obektileriniń árqaisysyna birneshe qaitara baryp, keibir úilerde qosalqy satý faktileri bar ekenin anyqtadyq.Kompaniialar tehnikalyq qabattar men parkingterdi qurylys salýshylar páter retinde satqan. Dál osy máselege bailanysty naqty is-sharalar jospary ázirledik. Búgingi tańda qalada 12,5 myńnan astam úlesker bar, bul 42 nysan. 20 úidi osy jyly tapsyramyz, bul ótken jylmen salystyrǵanda 2 ese kóp. 2019 jyly 10 turǵyn úi kesheni paidalanýǵa berildi – bul 2,5 myń úlesker, – dedi qala ákimi Altai Kólginov.
Búginde Nur-Sultanda «Territoriia komforta – 1» turǵyn úi keshenin súrý jumystary bastaldy, úi 2004 jyldan bastap salyna bastaǵan. Úidi tehnikalyq tekserý ǵimarat apatty jaǵdaida ekenin kórsetti. Burynǵy qurylys kompaniiasy tehnikalyq normalarǵa sáikes kelmeitin beton markasyn qoldanǵany málim boldy.
Osy úidi aiaqtaý úshin investor anyqtalyp, «Altyn shar» men «Baǵystan» turǵyn úi keshenderiniń qurylysy qaita bastaltyn boldy. Al «Shyǵys» turǵyn úi kesheninde 8 turǵyn úi toby bar, 3 top boiynsha qurylys jumystary júrgizilip jatyr. 2 top boiynsha – JSQ ázirleý, qalǵandary boiynsha – qarjy modelin ázirlenip jatyr.
№3 poligonda «Jaǵalaý» turǵyn úi kesheniniń qurylys-montaj jumystary júrgizilse, №4 poligon boiynsha investordyń banktik kepildigin alýy kútilýde.
Úlestik qurylystaǵy negizgi máseleler retinde mindetin durys atqarmaǵan qurylys salýshylarmen jáne paishylardyń arasyndaǵy sot bolyp tur. Máselen jobalyq-smetalyq qujattamanyń jáne saraptamanyń, qarjylyq jáne tehnikalyq aýdittiń bolmaýy isti tyǵyryqqa tiregen.
Problemalyq nysandardy aiaqtaý úshin «Nurly jer» memlekettik baǵdarlamasyna ózgerister engizildi, 13 nysan boiynsha memlekettik saraptama qorytyndysy alyndy, 19 nysan boiynsha ázirleý jáne túzetý júrgizilýde, 26 nysan boiynsha qarjy jáne tehnikalyq aýdit júrgizilse, 12 nysan boiynsha qarjy modeli ázirlendi.
