Aita keteiik, buǵan deiin Memleket basshysy Qasym-Jomart Toqaev Naýryz meiramyn merekeleý tujyrymdamasyn ázirlep, kóktemgi merekeniń mazmunyn baiytý qajettigi týraly aitqan bolatyn.
«Ultaralyq beibitshilik pen kelisimdi saqtaý – memlekettik qurylymdardyń ǵana emes, jalpy qoǵamnyń jáne árbir azamattyń boryshy. Biz óz halqymyzdy biriktiretin ortaq qundylyqtardy nasihattaýymyz kerek. Mysaly, Naýryz meiramyn toilaý tujyrymdamasyn ázirlep, kóktemgi merekeniń mazmunyn baiytý qajet. Búkil qoǵamdy biriktiretin qundylyqtar qanshalyqty kóp bolsa, bizdiń birligimiz de soǵurlym kúshti bolady» dep atap ótti Prezident.
Naýryz – jańarý, halyqty birlikke uiystyrý merekesi, sondyqtan jurt birigip, muqtaj jandarǵa kómek qolyn sozýy kerek.
«Igi ister» jalpyulttyq marafony aiasynda elordalyq eriktiler, metsenattar, kásipkerler, belsendiler naýryz aiynan bastap jalǵyzbasty zeinetkerlerge, qart adamdarǵa, kópbalaly, áleýmettik az qamtylǵan jáne múgedek balalardy tárbielep otyrǵan otbasylarǵa eki myńnan astam azyq-túlik sebetin taratty. Qarly kúnderi aýlalaryn qar men muzdan tazartýǵa kómektesti. Is-sharalardyń bári sanitarlyq normalar men talaptardy qatań saqtai otyryp ótkenin aita ketýimiz kerek.
Bul igi ister Naýryz meiramyn toilaý kúnderi de jalǵasyn tabady. Sonymen, merekege orai myńǵa jýyq azyq-túlik sebetin taratý josparlanyp otyr.
Ákimdik qalanyń barlyq turǵynyn belsendilik tanytýǵa jáne muqtaj adamdarǵa kómek kórsetýge, iaǵni qar kúreý, dári-dármekterge barý, azyq-túlik satyp alý sekildi qaiyrymdylyq sharalaryna qatysýǵa shaqyrady. Adam óz basyndaǵy qiyndyǵyn eńserý úshin jalǵyz ózi ǵana emes ózgelerdiń de járdem berip, qoǵamnyń bir bólshegi ekenin sezinýi qajet.
Búginde koronavirýsty juqtyrý qaýpi áli de bar. Ásirese mereke kúnderi adam kóp jinalatyn oryndardan aýlaq bolǵan jón.
Bul kúnderdi úide, otbasymen birge, iaǵni shaǵyn ortada ótkizgen jón. Demalys kúnderi ýaqytty qyzyqty ótkizý úshin qalanyń mádeniet mekemeleri teledidar men áleýmettik jelilerde tikelei efirde ótkiziletin onlain is-sharalar keshenin daiyndady. Olardyń arasynda kontsertter, kórmeler, teatrlandyrylǵan qoiylymdar, tarihi-tanymdyq dárister men konferentsiialar, aktsiialar men konkýrstar bar.
Ózińizdi jáne jaqyndaryńyzdy qorǵańyz!
