Depýtat Elnur Beisenbaev Aitu jobasynyń mańyzdy tustaryn atady,- dep habarlaidy Dalanews.kz
Onyń aitýynsha, joba memleketimizdiń qaýipsizdigin qamtamasyz etýge úles qosady.
"Halyq arasynda tsifrlyq gigienany qalyptastyrýǵa múmkindik beredi. Sebebi syrttan keletin ártúrli túsiniksiz messendjerler arqyly qoǵamǵa qajetsiz aqparattardyń taralý qaýpi joǵary. Eń mańyzdysy azamattar ózderiniń qaýipsizdigin saqtap, ártúrli alaiaqtyq áreketterden qorǵaný múmkindigine ie bolady. Aitu tek messendjer ǵana emes, ol jan-jaqty platforma",- dedi ol.
Aitu jobasy arqyly tek sóilesip qana qoimai, kino kórýge, mýzyka tyńdaýǵa da bolady.
"Ózim bul qosymshany 1 jyldan astam ýaqyt paidalanyp kelemin. Qazirgi tańda memleket basshysy da osy máselege erekshe kóńil bólip, azamattardy belsendi túrde atsalysýǵa shaqyryp otyr. Bul – óte mańyzdy bastama. Barlyq qajetti múmkindikter qarastyrylǵan. Qazirgi zamanda azamattardyń jeke derekteri, otbasy týraly málimetteri, resmi qujattary 100 paiyz qaýipsizdikte bolýy úshin, mindetti túrde memlekettik deńgeide qorǵalatyn osyndai platformalardyń bolýy qajet",- dedi depýtat.
