Energetıka mınıstriniń 2024 jylǵy 25 jeltoqsandaǵy buıryǵymen taýar bırjalarynan tys QR ishki naryǵyna suıytylǵan munaı gazyn jetkizý jospary sheńberinde atalǵan taýardyń kóterme saýdada ótkizýdiń shekti baǵasyn bekitti. Oǵan sáıkes, 2025 jyldyń 1 qańtarynan bastap 30 maýsymǵa deıin osyǵan deıin qoldanylyp kelgen baǵa saqtalatyn boldy, dep jazady Dalanews.kz.

"Qazaqstan Respýblıkasynyń ishki naryǵyna taýar bırjalarynan tys suıytylǵan munaı gazyn jetkizý jospary sheńberinde suıytylǵan munaı gazyn kóterme saýdada ótkizýdiń 2025 jylǵy 1 qańtardan bastap 2025 jylǵy 30 maýsymǵa deıingi kezeńge qosylǵan qun salyǵyn eseptemegende 1 tonnasyna 45 158 teńge mólsherinde shekti baǵa bekitilsin",  delingen qujatta.

Buıryq 2025 jylǵy 1 qańtardan bastap qoldanysqa engizildi.

Aıta ketsek, suıytylǵan gazdyń kórsetilgen baǵasy Qazaqstanda 2024 jyldyń 1 shildesinen 31 jeltoqsanyna deıin belgilengen bolatyn. Al oǵan deıin gazdyń 1 tonnasynyń quny 40 320 teńge bolǵan. Jalpy, Energetıka mınıstrligi buǵan deıin suıytylǵan gazdyń baǵasyn kóterýdi usynyp kelgen. Oǵan qatysty mınıstrlik bizdegi baǵa kórshiles memlekettermen salystyrǵanda eń tómen ekenin aıtyp, ýáj keltirgen.