Bokstan Tokio Olimpiadasynyń qola júldegeri Sáken Bibosynov jeke mansabyna bailanysty áleýmettik jelide tarap jatqan aqparattardy joqqa shyǵardy, dep habarlady Dalanews.kz.
Jaqynda áleýmettik jelide Bibosynovtyń ulttyq qurama komandanyń burynǵy bas jattyqtyrýshysy Myrzaǵali Aitjanovtyń sońynan ketetini týraly aqparat taraǵan edi.
Sportshy bul aqparat shyndyqqa janaspaitynyn jetkizdi.
"Alla saqtasyn, elimizde neshe túrli adamdar bar. Aýditoriia jinaý úshin ne istemeidi?! Mynaý sóz – jalǵan aqparat. Men boksty qoiǵan joqpyn", - dedi ol Instagram-paraqshasynda.
Aita keteiik, Myrzaǵali Aitjanov – Bibosynovtyń jeke jattyqtyrýshysy.
Eske salaiyq, birneshe kún buryn bokstan Qazaqstan erler quramasynyń bas jattyqtyrýshysy Myrzaǵali Aitjanov pen ózge de mamandar qyzmetinen bosatylǵan edi. Buǵan Parij Olimpiadasyndaǵy sátsizdikter sebep boldy.
Bul týraly Qazaqstan boks federatsiiasy habarlady.
Qazaqstan boks federatsiiasynyń sheshimi QR dene shynyqtyrý jáne sport isteri boiynsha komitetimen maquldanǵan.
Qazaqstan boksynda kadrlyq ózgerister oryn aldy. Parij Olimpiadasynyń qorytyndysy boiynsha keńes ótkizilip, erler quramasynyń bapkerlik quramy tolyǵymen jumystan shettetildi. Osylaisha kelesi ózgerister jaiynda habarlaimyz:
"Bas jattyqtyrýshy Myrzaǵali Aitjanov jáne bapkerlik quramdaǵy 10 maman, QBF vitse-prezidenti Aziz Qojambetov qyzmetten bosatyldy. Qazaqstannyń eńbek sińirgen jattyqtyrýshysy Tursynǵali Edilov Qazaqstan boks federatsiiasy prezidentiniń keńesshisi qyzmetine taǵaiyndaldy", - dep jazyldy resmi habarlamada.
Qazir Aitjanovtyń ornyna Boks federatsiiasy Týrizm jáne sport ministrligimen kelise otyryp, Qairat Satjanovty ulttyq qurama komandanyń bas jattyqtyrýshysy etip taǵaiyndady.
Al Sáken Bibosynov shirek finalda ózbek boksshysy Hasanboi Dýsmatovtan jeńildi.
