19 tamyzdaǵy málimet boiynsha, Qazaqstanda áleýmettik mańyzy bar keibir azyq-túliktiń baǵasy bir apta ishinde tómendegen. Bul týraly Ulttyq statistika biýrosy málimdedi, dep habarlaidy dalanews.kz.
Baǵanyń eń aitarlyqtai tómendeýi piiaz ben kartopta baiqaldy. Bir aptada piiaz 4,9%-ǵa, kartop 4,1%-ǵa arzandaǵan. Sondai-aq almanyń baǵasy 2,7%-ǵa, aq qaýdandy qyryqqabat 2,2%-ǵa, sábiz 1,9%-ǵa jáne qiiar 1,5%-ǵa tústi.
Qoi eti men súieksiz qoi eti 0,6%-ǵa, al qyzanaq 0,4%-ǵa arzandady. Birinshi surypty unnan pisirilgen bidai nanynyń, qaimaqtyń, sary mai men tuzdyń baǵasy ózgergen joq.
Óńirler arasynda áleýmettik mańyzy bar azyq-túlik baǵasy Qaraǵandyda kóbirek tómendep, aptalyq arzandaý 0,7%-dy qurady. Kókshetaý men Óskemende baǵa 0,5%-ǵa, Qonaevta 0,4%-ǵa, Jezqazǵan men Taldyqorǵanda 0,3%-ǵa azaidy.
Al Astana, Shymkent, Aqtóbe, Oral, Pavlodar, Petropavl jáne Semei qalalarynda azyq-túlik quny ótken aptamen salystyrǵanda ózgerissiz qalǵan.
El boiynsha piiazdyń ortasha baǵasy bir kilogramyna 188 teńge boldy. Eń arzan piiaz Túrkistanda satylǵan — kilogramy 135 teńge.
Kartoptyń ortasha quny 248 teńgeni qurady. Onyń eń tómen baǵasy Pavlodarda tirkelip, kilogramy 180 teńgeden satyldy. Túrkistanda kartoptyń bir kilogramy 218 teńge boldy.
Almanyń el boiynsha ortasha baǵasy kilogramyna 776 teńgege jetti. Eń qoljetimdi alma Shymkentte tirkelgen — bir kilogramy 639 teńge.
