Qazaqstandyq tazy ósirýshi Anna Zaharova ózine Memleket basshysy Qasym-Jomart Toqaev syilaǵan qolsaǵatty satýǵa qoiǵanyn málimdedi, dep habarlaidy dalanews.kz.
Onyń aitýynsha, bul saǵatty oǵan Prezident 2023 jyly Naýryz merekesi kezinde tartý etken. Sol kezde Anna Zaharova Qasym-Jomart Toqaevqa bir jarym ailyq tazy kúshigin syilaǵan bolatyn. Prezident óz kezeginde oǵan jeke qoltańbasy qoiylǵan saǵat tabystaǵan.
Arada úsh jyl ótken soń saǵat iesi bul syilyqpen qoshtasýǵa sheshim qabyldaǵan. Ol buiymnyń ózi úshin erekshe estelik ári mártebeli syi ekenin aitqanymen, ony taǵýdy josparlamaitynyn jetkizdi. Saǵatpen birge satyp alýshyǵa onyń túpnusqalyǵyn rastaityn barlyq qajetti qujattar da beriledi.
Qazirgi ýaqytta saǵattyń baǵasy 2 899 000 teńge bolyp belgilengen. Satýshy saýdalasýǵa daiyn ekenin de atap ótken.
Anna Zaharovanyń pikirinshe, bul zat kollektsionerlerdiń qyzyǵýshylyǵyn týdyrýy múmkin. Onyń boljamynsha, ýaqyt óte kele saǵattyń quny aitarlyqtai ósip, aldaǵy on jyl ishinde 30 million teńgege deiin jetýi yqtimal.
